Detenshon pa maltrato.

 

KOMUNIKADO DI PRENSA 322 / 2020
21 ougùstùs 2020
Detenshon pa maltrato.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaweps anochi alrededor di 23.13, Sentral di Polis a dirigí un unidat di Rio Canario pa Kaya
Shilling pa un kaso di maltrato.
Na e adrès aki un dama a deklará na polis ku un ratu promé, e ku su mama tabatin
diskushon ku su ruman hòmber.
E último aki, durante di e diskushon lo a manda un heru di strika riba su mama, ku a herid’é
na su pia.
Na e sitio polis a detené e hòmber sospechoso V.E.R.C. di 25 aña di edat nase na Kòrsou pa
e kaso di maltrato aki.
A present’é dilanti di un fiskal ouksiliar, ku a ordená su enkarselamentu pendiente di mas
investigashon.