Diferente establesimentu será pa inkumplimentu ku medidanan di Covid-19.

 

KOMUNIKADO DI PRENSA 325 / 2020
24 ougùstùs 2020
Diferente establesimentu será pa inkumplimentu ku medidanan di Covid-19.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Den fin di siman ku ta tras di lomba, Polis su departamento di leinan partikular (U.B.W.)
huntu ku unidatnan di Mantenshon di Òrdu Públiko i M.E.O. a sera diferente
establesimentunan ku no tabata kumpli ku entre otro reglanan di higiena i distansia físiko.
Ta trata di 16 lokalidat, bou di kua prinsipalmente snèknan i sitionan di dibertishon, na unda
a tuma nota di aglomerashon grandi di persona.
Tambe polis a kita gruponan grandi di personanan for di kaya riba Don Martina Bulevar i
F.D. Rooseveltweg na altura di pòmp di gasolin na Sta. Maria.
No opstante e petishon ku ta wòrdu hasi pa no aglomerá i asina evitá rísiko di keda infektá,
tòg ainda tin vários sitio kaminda propietarionan, kliente i/o bishitantenan no ta tene nan
mes na e medidanan aki.
Den próksimo dianan polis i su otro partnernan gradualmente lo bai intensivá e kontrolnan
aki i lo no tolerá pa sera e negoshinan ku no ta kumpli ku e medidanan aki, ku ta na nos tur
su bienestar.

This site uses Akismet to reduce spam. Learn how your comment data is processed.

%d bloggers like this: