GEZAGHEBBER A RISIBÍ BUKI TITULÁ ‘DUNA SHON GRANDI SU HONOR’ / GEZAGHEBBER NEEMT BOEK GETITELD ‘DUNA SHON GRANDI SU HONOR’ IN ONTVANGST
GEZAGHEBBER A RISIBÍ BUKI TITULÁ ‘DUNA SHON GRANDI SU HONOR’
Kralendijk – Shurman Kook, pastor i presidente di Iglesia Atventista di 7 Dia di islanan Aruba, Boneiru i Kòrsou, resientemente a publiká un buki titulá “Duna Shon Grandi su Honor”. E buki ta basá riba un mensahe di beibel i ta deskribí historia i kultura di Karibe Hulandes. Pastor Shurman kende ta outor di e buki a entregá gezaghebber Edison Rijna un ehemplar i a duna gezaghebber informashon tokante kontenido di e buki. E motibu ku a publiká e buki ta den kuadro di konmemorashon di 225 aña di e Lucha pa Libertat di 1795 ku a tuma lugá na Kòrsou.
Gezaghebber a gradisí pastor Shurman pa e buki i a keda enkantá ku e informashon tokante kontenido di e buki. Na nòmber di gobièrnu di Boneiru sr Rijna a felisitá pastor ku su obra.
Durante di e entrega di buki pastor Shurman a informá gezaghebber Rijna ku otro luna, pa ta eksakto riba djasabra 12 di sèptèmber, lo repartí e buki gratuitamente pa komunidat boneriano.
Pastoor Shurman Kook tabata akompañá pa Daniel Zuñiga kende ta tesorero di Iglesia Atventista di Aruba, Boneiru i Kòrsou i tambe Surrandy Selassa kende ta presidente di Iglesia Atventista di Boneiru.
GEZAGHEBBER NEEMT BOEK GETITELD ‘DUNA SHON GRANDI SU HONOR’ IN ONTVANGST
Kralendijk – Shurman Kook, pastoor en voorzitter van de Kerkgenootschap der Zevende-dags Adventisten van de eilanden Aruba, Bonaire en Curacao, heeft onlangs het boek getiteld ‘Duna Shon Grandi Su Honor – Geef De Grote Heer Zijn Eer’ uitgebracht. Het boek is gebaseerd op een bijbelboodschap en beschrijft de geschiedenis en cultuur van Caribisch Nederland. Pastoor Shurman, de auteur, heeft een exemplaar aan de gezaghebber overhandigd en hem van informatie voorzien over de inhoud van het boek. De publicatie van het boek is in het kader van de herdenking van de Vrijheidsstrijd van 1795, die dus 225 jaar geleden op Curacao plaatsvond.
De gezaghebber bedankte pastoor Shurman voor het boek en vertelde dat hij zeer ingenomen was met de informatie over de inhoud ervan. Namens het Bonairiaanse eilandbestuur heeft dhr Rijna de pastoor gefeliciteerd met zijn oeuvre.
Tijdens de overhandiging van het boek vertelde pastoor Shurman aan de gezaghebber dat volgende maand, om precies te zijn op zaterdag 12 september, het boek gratis uitgedeeld zal worden in de Bonairiaanse gemeenschap.
Pastoor Shurman Kook was vergezeld van Daniel Zuñiga, penningmeester van de Kerkgenootschap der Zevende-dags Adventisten van de eilanden Aruba, Bonaire en Curacao en ook Surrandy Selassa, de voorzitter van de Adventistenkerk op Bonaire.
