E ‘TRAININGSKAMP’ DI NOS SELEKSHON NASHONAL NO TA KONTINUÁ!

 

E ‘TRAININGSKAMP’ DI NOS SELEKSHON NASHONAL NO TA KONTINUÁ!

 

 

E ‘trainingskamp’ aki ku mester a tuma lugá na Hulanda a para debí ku un miembro di nos staf a resultá di ta infektá ku e virus di Corona.

Komo medida di prekoushon a disidí pa laga e miembronan bai den karentena na kas i na tur persona ku posibelmente tabata den kontakto ku e persona aki ku e den e último dianan den e edifisio di FFK.

Lòs di esaki ya un kantidat di hungadónan a disidí pa keda kas i ku no por a hasi e biahe debí na e  medidanan di Corona sin ku nan a keda den karentena.

Además a resultá imposibel pa bolbe tèst tur hende na tempu i komo tal FFK a disidí pa para e ‘trainingskamp’ aki.

 

E selekshon lo a kuminsá na e ‘kamp’ aki djaluna 31 ougùstùs 2020 pa seis día na Badhoevedorp na Hulanda en preparashon pa e weganan kualifikatorio pa e Mundial FIFA Qatar 2022.

FFK na e momento aki ta konsiderando huntu ku su departamento tékniko riba e posibilidatnan pa organisá un ‘trainingsstage’ nobo.

 

Segun Sr. Etienne Siliee, direktor tékniko, ‘nos ta bibando den un temporada ku nos mester sigui kada día e desaroyonan rondó di e Corona virus .

Nos ta desea e miembro di nos staf aki un pronto rekuperashon total di e virus aki.

Salú di nos tur tin prioridat i ta spera ku pronto nos lo por kuminsá ku un selekshon kompleto i salú’.

 

Kòrsou ta den e pul C di CONCACAF huntu ku e paisnan Guatemala, St. Vincent & The Grenadines, Cuba i British Virgin Islands.

Dia 8 òktober 2020 Kòrsou lo tin su promé kompromiso na kas kontra di St. Vincent & The Grenadines, miéntras tres día después día 11 òktober 2020 nos lo hunga na Cuba.

 

29 ougùstùs 2020

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: