Medidanan pa públiko ku ta bishitá warda i kantornan di polis.

 

KOMUNIKADO DI PRENSA 337 / 2020
31 ougùstùs 2020
Medidanan pa públiko ku ta bishitá warda i kantornan di polis.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Den kuadro di e situashon reinante relashoná ku Covid-19 riba nos isla, Kuerpo Polisial, pa
garantisá protekshon di tantu e siudadano komo e personal di polis, ta introdusí entrante
awe 31 di ougustus algun medida.
Ta urgi tur persona ku mester akudí na un warda of kantor polisial, pa tene kuenta ku nan.
-Tur persona ku ta bishitá wardanan di polis mester tin un “mondkap” bistí;
-Manera ku drenta warda mester apliká regla di higiena dor di limpia man ku líkido di
desinfektá ku tin na porta;
-No ta permití mas ku 3 persona den salanan di espera di warda i kantornan polisial. Si tin
mas ku 3 persona paden, e otro klientenan mester keda warda pafó of yama pa traha sita;
-Si no ta pa kasonan di urgensia grandi ku mester yega un warda di polis, ta supliká tur
siudadano ku mester di yudansa di polis, pa yama sea sentral di polis pa kasonan urgente
(911), Callcenter di polis pa kasonan no urgente (917) òf e warda di polis;
-Ta pidi tur siudadano pa sigui instrukshonnan ku wòrdu duná den wardanan di polis
estriktamente.
Kuerpo Polisial ta gradisí komunidat kompletu di antemano pa e komprenshon i e
koperashon pa yuda nos mantené e kuerpo salú pa por sigui sirbi i protehá bo tur dia i tur
ora.

This site uses Akismet to reduce spam. Learn how your comment data is processed.

error: Content is protected !!
%d bloggers like this: