Premier Evelyn Wever-Croes:  PROCURADOR GENERAL NOBO, SR. BOTE TER STEEGE TA BISHITA CONSEHO DI MINISTER RIBA SU PROME DIA DI TRABOU

Premier Evelyn Wever-Croes: 

PROCURADOR GENERAL NOBO, SR. BOTE TER STEEGE TA BISHITA CONSEHO DI MINISTER RIBA SU PROME DIA DI TRABOU

 

Desde prome di september 2020, Aruba tin su Procurador General nobo, Sr. Bote Ter Steege. Riba suprome dia di trabou, Sr. Ter Steege a reuni cu Conseho di Minister y Ministernan presente. A subraya e puntonan cu pa Gobierno di Aruba ta hopi importante pa e Procurador General nobo tuma na consideracion. 

E prome punto ta corupcion y combatimento di corupcion. E importancia pa finalisa tur investigacion cu tin pendiente y tene responsabel tur esnan cu mester wordo teni responsabel. Gabinete Wever-Croes ta para pa integridad y p’esey cada persona cu comete algo malo mester carga su responsabilidad. 

E tema di e casonan di abuso sexual di muchanan, cu pa Gobierno di Aruba ta un topico hopi importante, Gobierno a pidi Procurador General su atencion pa cu esaki pa asina por yega na castigonan hopi mas halto pa e abusadornan. 

Violencia domestico y abuso sexual en general tambe tawata puntonan di discusion y tambe e trabou cu Procurador General y Ministerio Publico por haci pa combati criminalidad y pa yuda nos preveni casonan di criminalidad grandi. 

Prome Minister Evelyn Wever-Croes den nomber di Gobierno di Aruba ta desea sr. Ter Steege hopi hopi exito den su tarea como Procurador General pa nos pais.

 

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: