LIGA MCB PROMÉ, SEGUNDO I TERSER DIVISHON TA KONTINUÁ RIBA DJARÁSON I WIKÈNT PRÓKSIMO!
LIGA MCB PROMÉ, SEGUNDO I TERSER DIVISHON TA KONTINUÁ
RIBA DJARÁSON I WIKÈNT PRÓKSIMO!
Despues di un siman di pousa pa motibunan ya konosí, Liga MCB Promé, Segundo i Terser Divishon ta kontinuá riba djaráson i wikènt próksimo. Tur e partidonan di Liga MCB Promé Divishon su buèlta di 6 ta tuma lugá den wikènt miéntras Liga MCB Segundo Divishon lo hunga riba djaráson. Mes kos, Liga MCB Terser Divishon tambe ta kontinuá ku un partido djaráson i algun ta hunga riba djadumingu próksimo.
Liga MCB ta sigui ku algun partido sumamente interesante próksimamente…ta abo so falta!
Skema Liga MCB Promé Divishon buèlta di 6:
Fecha | Dia | Ora | Tim di kas | Bishitante | Stadion | |
11-9-20 | Djabièrnè | 20.00 | Jong Holland | vs | Willemstad | S.E.H. |
12-9-20 | Djasabra | 19.00 | Scherpenheuvel | vs | Undeba | |
21.15 | Vesta | vs | Barber |
Skema Liga MCB Segundo Divishon buèlta di 6:
Fecha | Dia | Ora | Tim di kas | Bishitante | Stadion | |
9-9-20 | Djaráson | 19.30 | Atomic | vs | Inter Willemstad | S.A.M. |
19.30 | Sithoc | vs | UD Tera Kòrá | S.E.H. |
Skema Liga MCB Terser Divishon:
Fecha | Dia | Ora | Tim di kas | Bishitante | Stadion | |
9-9-20 | Djaráson | 20.00 | C-Stars United | vs | De Koning | F.F.K. |
13-9-20 | Djadumingu | 17.00 | Wishi Marchena | vs | Haitian Union Klup | S.A.M. |
17.00 | De Koning | vs | Astros Colombia | S.E.H. | ||
17.00 | University | vs | FC West Wolf United | F.F.K |
Preis pa Liga MCB Promé Divishon buèlta di 6 ta fl.6,- pa adulto miéntras mucha di 6 te 12 aña ku 60+ ta kosta solamente fl.3,-.
Entrada pa Liga MCB Segundo Divishon buèlta di 6 ta fl.4,- pa adulto miéntras mucha di 6 te 12 aña ku 60+ ta paga fl.2.50.
Liga MCB Terser Divishon ta kompletamente grátis!
Tur hungadó di futbòl, áktivo den nos kampionato hubenil di kategoria U-9, U-11 i U-13 por drenta grátis basta nan tin nan karnèt di FFK i ta akompañá pa un mayor!
FFK ta rekòrdá tur fanátiko ku durante e buèlta di 6, lo kontinuá ku e registro na porta. P’esei FFK ta hasi un súplika na tur fanátiko pa yega trempan pa e registrashon i mantené distansia sosial di 2 meter! Ta bon ku tur fanátiko bin stadion ku un tapa boka (mondkap) pa bo mes protekshon.
Tambe FFK ta rekòrda ku Gobièrnu a stipulá ku ta solamente 250 persona por drenta stadion, tene esaki na kuenta!
Un yamada ta bai na hinter e pueblo di Kòrsou pa asistí na Liga MCB Promé, Segundo i Terser Divishon su partidonan ku lo kontinuá proksimamanete!
Bin pasa un ratu ameno den kompania di bo famia i disfrutá di bo deporte preferí, e deporte rei, futbòl!
Yega trempan ku bo tapa boka (mondkap) i ku un ID válido pa registrashon na porta!
MCB i FFK ta wardabo!
3 sèptèmber 2020