MFK ta duna su kontribushon na komunidat pa Kòrsou tin un Medio Ambiente Limpi, Balansa i pa evitá kualkier malesa ku pa motibu di sushedat por afektá e ser humano
MFK ta duna su kontribushon na komunidat pa Kòrsou tin un Medio Ambiente Limpi, Balansa i pa evitá kualkier malesa ku pa motibu di sushedat por afektá e ser humano
Den kuadro di luna di sèptèmber kual ta luna di limpiesa, MFK ku sosten di entre otro Selikor i algun kompaña di transporte, ta hasi apertura na su akshon di limpiesa den e diferente barionan di Kòrsou. E akshon aki ku a start awe 9 di sèptèmber 2020, lo tin un durashon di alrededor di 3 luna.
Di e forma aki i meskos ku na aña 2016, MFK ta duna un kontribushon na komunidat di Kòrsou pa yuda hasi nos isla limpi. Pa asina nos por tin un medio ambiente mas limpi i protehé kontra malesanan ku por ser transmití pa sanguranan i otro insektonan ku ta biba den e sushedat aki.
Athunto un lista di e barionan ku ta riba e lista ku a ser inventarisá pa hasi trabou di limpiesa kaminda ku tin diferente mini-landfill. Na aña 2016 e tim di MFK a rekohé un kantidat rèkert di 1.5 mion kilo di shushi i depositá esaki nan na Landfill na Malpais. Nos mester remarká ku nunka e tim di MFK no a stòp di hasi limpiesa. Durante di e añanan ku a transkurí na diferente okashon MFK a hasi trabounan di limpiesa den diferente bario na Kòrsou.
Nos ta spera ku pueblo di Kòrsou tambe lo duna un granito di su parti na e akshon grandi di limpiesa aki, dor di mantené e areanan ku wòrdu limpia limpi, pero tambe pa siudadanonan denunsia na e instansianan ofisial ora ku tuma nota ku ta bolbe tira sushi na e sitionan aki.
Nos mester ta konsiente ku un Kòrsou limpi ta na benefisio di nos tur, asina ta ban kuida nos medio ambiente i ban tene nos dushi Kòrsou limpi di sushedat.
Na nòmber di MFK
Juniël Carolina
Koordinador di Akshon
di Limpiesa di MFK
| Sitionan kaminda ku ta dùmp shushi ilegal |
| Choloma |
| Kura Buriku |
| Rooi Santu |
| Montaña Abou |
| St Joris |
| Cocori |
| Playa Canoa |
| Brievengat |
| Rancho Sabana Hundu |
| Sta Rosa |
| Zapateer |
| Casa Grandi |
| Scherpene |
| Koraalspecht |
| Saliña |
| Kust Baterij |
| Domi |
| Marchena |
| Veeris |
| San Rafael |
| De Savaan |
| Buena Vista |
| Heintje Kool |
| Muizenberg |
| Seru Fortuna |
| Boca Sami |
| Seru Mahuma |
| Parera |
| Tera Kora |
| Baai Klaas |
| Sta Cruz |
| Soto |
| Sta Martha |
| Hanchi Buriku |
| Sitionan imprevisto |