Polis mester a atendé hopi kaso unda no tabata tene kuenta ku distansia físiko

 

KOMUNIKADO DI PRENSA 349 / 2020
6 sèptèmber 2020
Polis mester a atendé hopi kaso unda no tabata tene kuenta ku distansia físiko
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Den fin di siman, polis mester a atendé hopi kaso unda personanan ku ta asistí
prinsipalmente na sitionan públiko, no tabata tene nan mes na e distansia físiko.
Na varios okashon mester a dirigí unidatnan pa snèknan i otro sitionan na unda ta konosí ku
den fin di siman tin aglomerashon grandi di persona.
Ta trata aki di areanan manera Sta. Maria, Montaña, Caracasbaaiweg, Saliña i F.D.
Rooseveltweg.
Kuerpo Polisial ta agradesí na siudadanonan ku ta preokupá ku e situashon i ku ta yama
polis pa atendé ku e inkumplimentu di e medidanan aki.
Di otro banda, polis ke keda mustra tur siudadano riba nan propio responsabilidat ku nan
tin di kuida nan mes i nan famia, evitando di bishitá sitionan ku tin hopi hende.
Polis lo bai sigui aktua kontra aglomerashon i lo tuma akshon kontra esnan ku no ta tene
nan mes na reglanan i medidanan vigente pa evitá mas infekshon di e virus di corona.

This site uses Akismet to reduce spam. Learn how your comment data is processed.

error: Content is protected !!
%d bloggers like this: