Na memoria di faranduleronan ku a bai laga nos

 

 

Na memoria di faranduleronan ku a bai laga nos

Na promé lugá direktiva di AMAK k’e duna un palabra di aliento i sostén  na nos artistanan i na pueblo di Kòrsou en general, ku durante dianan difísil di Covid-19 a aportá pa mantené e situashon di e pandemia bou di kòntròl.

Durante e dianan tras di lomba, diferente  músiko prominente a bai laga nos, i lamentablebemente pa motibu di medidanan tumá den kuadro di Covid-19, e  entieronan mester tuma lugar, den un forma familiar, i no tin espasio, pa tene un despedida manera kostumbrá.

 

 Direktiva di Amak, kier manda palabranan di kondolensia na famianan di Yuyu Djaoen, Celsio Zimmerman i Bibi Martina.

Yuyu Djaoen tabata fundador di agrupashonnan musikal Fuersa dos,i Risab i S.O ta e  último grupo musikal ku e tabata aktivo .

Yuyu tabata un tremendo kompositor areglista i teklista , espesialmente den e género di kòmbèk i ku tabata konosí pa su karakter firme den toma di desishon.

Celsio Zimmerman, tambe tabata un tremendo kantante di la seleccion i tabata hopi popular den e género di  kòmbèk.

Un gran karnavilista i amante di ambiente di fiesta i muzik, ku di un forma inesperá a bai laga nos ta e konosido Bibi Martina.

Bibi  na aña 2000 a intrepretá huntu ku Crisma Chikí, un komposishon di Darwin Greg, mi so mi so i logra pa pasa pa final.

Bibi un persona amabel ku tur aña ta hasi su máksimo esfuerso pa por  partisipá.na marchanan di karnaval, a bira hopi popular den nos farándula.

Finalmente  direktiva di Amak, ta bolbe ekspresá palbranan di kondolensia na famianan, i ku esnan ku a bai laga nos , sosega na pas  den brasa di Señor.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: