Entrada hudisial ku detenshon i konfiskashon

 

KOMUNIKADO DI PRENSA 362 / 2020
14 sèptèmber 2020
Entrada hudisial ku detenshon i konfiskashon
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djamars 15 di sèptèmber 2020, alrededor di 05.25 or, reshèrshinan di VVC konhuntamente
ku e Tim di UST i e Tim di Aresto a tene tres (3) diferente entrada hudisial den área di
Buena Vista.
E entradanan hudisial aki ta en konekshon ku un investigashon ku ta andando, riba
violashon di e Lei di Droga i e Lei di Arma di Kandela.
Durante investigashon na un di e kasnan, polis a haña i konfiská diferente plantashon di
mariwana. Na e sitio a detené dos (2) sospechoso, e dama A.E.C., 59 aña di edat i un
hòmber H.A.C., di 22 aña di edat, ámbos nasé na Kòrsou.
Den mesun área riba un tereno ku tin diferente bibienda, aki tambe e agentenan a drenta
dos (2) diferente kas pa kòntrol.
Kontinuando ku e investigashon na e adrèsnan, polis a haña i konfiská vários artíkulo
probablemente prosedente di ladronisia; e.o. elektróniko, di konstrukshon, piesanan di
outo, plantashon di mariwana i tambe kuater vehíkulo.
Relashoná ku esaki a detené kuater (4) sospechoso na e bibiendanan. Ta trata di; e
hòmbernan, R.A.N., di 28 aña di edat, J.J.A.d.J. di 28 aña di edat, D.M.N. di 38 aña di edat
i e dama S.S. di 33 aña di edat, tur nasé na Korsou.
A presenta tur e sospechosonan dilanti un fikskal ouksiliar, despues di interogashon tres (3)
di e sospechosonan; A.C., H.C. i R.N a keda den libertat. E otro tres sospechosonan a keda
será pendiente di mas investigashon.

This site uses Akismet to reduce spam. Learn how your comment data is processed.

error: Content is protected !!
%d bloggers like this: