SOAW lo optimalisá formulario pa petishon di ònderstant
SOAW lo optimalisá formulario pa petishon di ònderstant
Geplaatst op 15 September 2020 dor di Ministerio Desaroyo Sosial, Labor i Bienestar
Por registrá petishonnan nobo via WhatsApp +5999 521 5028
Wilemstad – Den yüli 2020 SOAW a lansa e wèpsait http://www.soaw.cw pa hasi petishon di ònderstant digital. Entrante djaweps 17 di sèptèmber 2020 Ministerio di Desaroyo Sosial, Labor i Bienestar ta informá ku e wèpsait lo no ta aksesibel temporalmente. Esaki debí na ehersisionan ku ta wòrdu hasí pa optimalisá e wèpsait pa asina por duna un mihó servisio.
Personanan ku mester apliká pa ònderstant den e periodo ku e wèpsait no ta aksesibel, por registrá nan mes via e number di WhatsApp+5999 521 5028 pa despues Kas di Bario drenta den kontakto nan. Via WhatsApp e persona mester manda nòmber, fam, number di sédula, number di mobil i su e-mail. E personanan aki lo risibí link i instrukshonnan via WhatsApp ora ku e wèpsait bolbe bira disponibel.
Tur persona ku a apliká kaba pa ònderstant via http://www.soaw.cw lo NO mester apliká atrobe via WhatsApp i lo haña un yamada òf e-mail pa finalisá nan petishon. Pa tur sobrá petishon ku no ta ònderstant, e prosedura normal na Kas di Bario ta keda vigente.