Ultimo Ora : Kaso di tiramentu ku morto (potret)

KOMUNIKADO DI PRENSA 366 / 2020
16 sèptèmber 2020
Kaso di tiramentu ku morto.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djárason 16 di sèptèmber 2020, alrededor di 19.06’or Sentral di Polis a risibí notifikashon di
un kaso di tiramentu ku a tuma lugá i ku tin hende heridá na Cas Coraweg,
Unidat polisial ku a yega na un kompleho di apartamentu riba Cas Coraweg a topa ku un
hòmber drumí den un outo ku herida di bala.
For di investigashon preliminar ku polis a realisá a sali na kla ku un ratu promé tabatin un
kaso di tiramentu den Kaya Augusto Boelijn. Probablemente e víktima den e kaso aki a bin
resultá mortalmente heridá na e adres riba Cas Coraweg.
Identidat di e víktima ta konosí pa polis, pero en bista ku tin ku notifiká famianan ahinda no
por publiká esaki.
Investigashon den e kaso ta kontinua.

This site uses Akismet to reduce spam. Learn how your comment data is processed.

error: Content is protected !!
%d bloggers like this: