Alerta pa vehíkulo di Laboratorio de Médicos (Lab de Med) hòrtá.

KOMUNIKADO DI PRENSA 369 / 2020
17 sèptèmber 2020
Alerta pa vehíkulo di Laboratorio de Médicos (Lab de Med) hòrtá.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Den oranan di mardugá di djaweps 17 di sèptèmber 2020, deskonosínan a hòrta un
vehíkulo ku ta pertenesé na Laboratorio de Médicos.
Malechornan a bai ku e vehíkulo aki for di e tereno di ‘Lab de Med ‘ na Cas Coraweg.
Ta trata aki di un jeep Suzuki Jimmy koló shinishi, numerá J/16-76.
Debí ku e vehíkulo aki ta unu ku kua e empleadonan ta usa pa duna servisio di entre otro
prek (kue sanger) na kas, polis ta premirá ku individuonan lo usa e vehíkulo aki pa kometé
kualke akto kriminal na kas di siudadanonan.
P’esei sea alerta i si bo topa e vehíkulo aki riba kaya òf na kualke sitio para, yama polis
mesora.