Zr. Ms. Groningen un biaha mas ta interseptá transporte di droga

Zr. Ms. Groningen un biaha mas ta interseptá transporte di droga

Barku Hulandes di Marina S.M. Groningen pa di dos biaha den un tempu kòrtiku a interseptá un transporte di droga. Den Laman Karibe e barku di patruya djabièrnè último a obligá un go-fast pa stòp, Den esaki e barku a bolbe interseptá un lote grandi di kokaina. Esaki tabata pa Groningen e di dos lote di droga den tres dia ku a keda gara.

Un di e avionnan marítimo di patruya di Wardakosta den Region Karibe, e Dash-8, a deskubrí e go-fast. Riba esaki S.M. Groningen a keda avisá. Despues di esaki el a drenta akshon ku su dos nave rápido FRISC. Na bordo tabatin un ekipo kombiná di Wardakosta Merikano i Kuerpo di Marina. Nan a detené esnan ku tabata abordo di e go-fast i a interseptá e droga.

E sospechosonan ademas di karga ilegal mas despues a keda entrega na Wardakosta Merikano pa pèrsigui nan na Estádos Unídos di Merka. Ta kalkulá ku den e akshon aki tabatin 465 kilo di droga envolví.

S.M. Groningen for di yüni 2020 ta e barku di patruyahe den Region Karibe i ta aktivo den e region, kombinando operashonnan kontra droga ku sosten di Wardakosta den Region Karibe. Siman pasá Groningen a interseptá kaba 455 kilo di kokaina.