Tur kliente mester bisti tapaboka ora ta bishitá Aqualectra AQUALECTRA TA OUMENTA SU MEDINANAN DI PREKOUSHON PA COVID-19

Tur kliente mester bisti tapaboka ora ta bishitá Aqualectra

AQUALECTRA TA OUMENTA SU MEDINANAN DI PREKOUSHON PA COVID-19

Willemstad- 29 di sèptèmber 2020- Aqualectra ke informá komunidat ku e kompania ta oumentá su medidanan di protekshon pa COVID-19. Konforme e protokòl stipulá i apliká pa Aqualectra entrante djasaron 30 di sèptèmber ta rekerí pa tur persona ku ta bishitá Aqualectra pa bisti un tapaboka.

Aqualectra for di inisio di e pandemia a instituí un protokòl na kua tur su empleadonan mester atené na dje. Salú i seguridat di nos kliente i empleadonan ta nos promé prioridat. P’esei e protokòl insituí dor di Aqualectra ta pa Aqualectra i su empleadonan kumpli ku e eksigenshanan estríkto pa loke ta trata distansha sosial, higiena i protekshon manera preskribí dor di outoridatnan di salubridat.  Bal informá ku e medidanan di prekoushon tumá pa Aqualectra lo no tin impakto riba Aqualectra su dunamentu di servisio. Aqualectra ta oumentá su medidanan di protekshon na bienestar di tantu su kliente komo empleadonan.

Aqualectra entretantu ta sigui hasi tur loke ta posibel pa por sigui ofresé koriente konfiabel, awa di kalidat i servisio mas optimal posibel na tur kliente.

This site uses Akismet to reduce spam. Learn how your comment data is processed.

error: Content is protected !!
%d bloggers like this: