Detenshon pa intento di ladronisia i maltrato.

 

KOMUNIKADO DI PRENSA 401 / 2020
12 òktober 2020
Detenshon pa intento di ladronisia i maltrato.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Kontinuando ku un investigashon relashoná ku un kaso di intento di ladronisia i maltrato,
kometé dia 16 di sèptèmber último, polis a detené un hòmber.
Djaluna 12 di òktober 2020 alrededor di 11.15 or, riba Òrdu di Ministerio Públiko, personal
di Warda di Polis Barber a detené e hòmber T.C.M. nasé na Kòrsou di 71 aña di edat.
Detenshon a tuma lugá na su kas den área di Lagun.
Riba e dia en kestion, na e lugá di stashoná outo na Kenepa Grandi, e sospechoso T. mester
a kibra den un outo di algun turista.
Dado momento un di e turistanan a bai na e outo pa kue algun artíkulo i a topa ku e
sospechoso ta buskando den e outo. Einan e turista a purba di tene e hòmber aki, pero
esaki mester a push’é ku forsa. Debí na esaki e turista a keda heridá.
A presentá e sospechoso dilanti un fiskal ouksiliar ku a ordená su enkarselamentu
pendiente di mas investigashon.

This site uses Akismet to reduce spam. Learn how your comment data is processed.

%d bloggers like this: