Calmes:” Kontrali na deklarashon di minister di Hustisia. Kòrsou tin lei di BOB.  Urgensia tras di lei di eksepshon ta pa poder politiko ”

 

Calmes:” Kontrali na deklarashon di minister di Hustisia. Kòrsou tin lei di BOB.  Urgensia tras di lei di eksepshon ta pa poder politiko ”

Willemstad- Minister di Hustisia a deklara ku Korsou no tin lei di BOB. For di 18 òktober 2012 Kòrsou tin lei di BOB (Bijzondere Opsporingsbevoegdheden). Calmes: Ta pesei mi ta kontra e lei di Uitzonderingstoestand (lei di eksepshon) manera e ta. Lei di strafvordering den su totalidat tin tur kos reglá. Lei di BOB ta kubri amplio ora tin situashon ku ta un menasa pa pais (misdrijf ernstig inbreuk op de rechtsorde, terroristisch misdrijf). E diferensia ta ku den lei di BOB tur kos ta tuma luga bou di kòntròl di sea fiskal, prokurador general o hues komisario i ta polis ta aktua. Den lei di eksepshon, pa medio di dekreto ministerial, ta polítiko ta disidi segun artíkulo 12 i 13 ken su kas e polítiko ta laga drenta pa kue kos bai kune. Pa kolmo e persona ku drenta bo kas por ta un hende ku e polítiko a disidí i e NO mester identifiká su mes. Lei di BOB ta algun kambio ku a wòrdu hasí den e lei di strafvordering di artíkulo 177n te ku 177z.