Pueblo ta ketu pero leu for di kèns Calmes:”Direktor di RdK no por hasi nada sin aprobashon di MinPres!”

 

Pueblo ta ketu pero leu for di kèns

Calmes:”Direktor di RdK no por hasi nada sin aprobashon di MinPres!”

Willemstad- “Pueblo ta ketu pero leu for di kèns” sigun Parlamentario Calmes. Na desèmber 2019 ku un furia di masbangu PMO a bisa den Parlamento ku Klesh ta e mihó “deal” ku Kòrsou den historia a sera. Klesch no a kuminsá ópera refineria riba 1 yanüari, ni riba 1 aprel, ni 1 di yüli di 2020 manera indiká pa Gobièrnu. Resultado dje debakel ku Klesch ta mas ku 3000 hende sin entrada i bringando pa sobreviví.

Kamuflando e debakel di Klesch, PMO a start e operashon na Bullenbaai bendiendo e historia ku tin hopi interesado pa almasena petroli. Atrobe e resultado di PMO su trabou a resultá otro gatu na saku manera a sali na kla e siman aki. Fluho di barku den haf a baha asina drástiko ku awe KTK a retirá 37 persona.

Sr. Calmes ta kere ku Minister Presidente mester sali i tuma responsabilidat pe maneho kontroversial dje proyekto di buska un partner pa refineria. “MinPres debe pueblo hopi klaridat”; sigun Calmes. Ya ku Gobièrnu a desviá di loke ta firma den e akuerdo di gobernashon lo ta bon MinPres sali aklará e posishon nobo di Gobièrnu ku kisas ta di sera refineria. Direktor di RdK no por hasi nada sin aprobashon di MinPres. Direktor RdK a hasi kustumber di ta trose e bèrdat, ta kontradesí su mes i ta keda hunga ke inteligensia di nos pueblo. Sinembargo pueblo no ta kèns i sa ku tur loke e direktor ta sali papia ta na nòmber dje akshonista ku ta MinPres.

MinPres for di 29 desèmber 2019 no a bin Parlamento pa duna informashon riba e proyekto di refineria maske Calmes i otro partidonan a pidi reunion.

This site uses Akismet to reduce spam. Learn how your comment data is processed.

error: Content is protected !!
%d bloggers like this: