ADC: Aki na nos “Park & Test” e pashènt ta parker bou di e tènt i keda sintá den outo.ADC:
Aki na nos “Park & Test” e pashènt ta parker bou di e tènt i keda sintá den outo. Na e momentu ei mi ta tuma tur informashon nesesario serka e pashènt pa por kompletá su registrashon i splika kiko presis nos ta bai hasi. E parti aki ta hopi importante pa trankilisá e pashènt, espesialmente si e ta hopi nèrvioso.
Promé ku kuminsá ‘swab’, e pashènt ta haña un klinèks serka nos pa si akaso e tin sushi den nanishi. Promé nos ta tuma muestra for di garganta, i despues nos ta hasié for di nanishi. E periodo for di na momentu ku e pashènt yega serka nos te ku na momentu ku e ta kla pa bai ta entre 5 pa 7 minüt. Pues ta un proseso ku ta kana hopi lihé.
Mayoria di nos kliente nan ku ta hasi uso di nos “Park & Test” ta personanan ku ta bai hasi un biahe pa eksterior kaminda
un resultado di COVID-19 negativo ta obligatorio.
Aparte di nos “Park & Test” nos ta ‘swab’ na hotèl nan i tambe riba barku nan ku ta ankra aki na nos haf. Mi ta kòrda e promé biaha ku mi a bai riba barku pa tuma muestra . Pa ami tabata un “never forget moment”. Mi ta hopi kontentu ku mi a bisa SI na momentu ku mi a wòrdu aserka pa djòin e tim di COVID. Ta un oportunidat pa eksperensiá algu úniko i mi ta siña hopi durante e temporada aki.
Kaia-Sabina Santana -PPAW medewerker