‘TRAININSGKAMP’ DI NOS SELEKSHON NASHONAL AKI NA KÒRSOU DI 9 PA 16 DI NOVÈMBER PRÓKSIMO!

‘TRAININSGKAMP’ DI NOS SELEKSHON NASHONAL AKI NA KÒRSOU DI 9 PA 16 DI NOVÈMBER PRÓKSIMO!

E selekshon nashonal di Kòrsou ta organisá un ‘trainingskamp’ na Kòrsou den e próksimo kalendario di FIFA ku ta kore di 9 pa 16 novèmber 2020. Durante e ‘trainingskamp’ aki e hungadónan lo sera konosí ku e staf nobo di e selekshon.

E intenshon di e ‘kamp’ aki ta pa prepará e ekipo riba e próksimo weganan kualifikatorio den mart 2021 den kua ta tene kuenta ku e medidanan estrikto enkuanto e protokòlnan di COVID-19.

Durante e estadia di e selekshon na Kòrsou lo organisá un enkuentro ku prensa lokal, na unda miembronan di prensa lo haña oportunidat no solamente pa sera konosí ku e staf nobo pero tambe pa hasi nan preguntanan riba e plannan di futuro di nos selekshon nashonal.

Naturalmente pa e enkuentro aki lo mantené e medidanan di COVID-19 ku ta na vigor.

Nos ta fiha nos mes riba futuro ku ta e klasifikashon pa e Mundial di FIFA na Qatar i alabes traha riba un ambiente profeshonal pa nos hungadónan.

Kòrsou ta preparando pa e siguiente nivel, keda pendiente pa mas informashon…

28 òktober 2020