FFK KU ENTREGA DI SERTIFIKADO PA KURSISTANAN KU A TERMINÁ NAN KURSO DI LISENSIA D KOMO ENTRENADÓ DI FUTBÒL KU ÉKSITO!

FFK KU ENTREGA DI SERTIFIKADO PA KURSISTANAN KU A TERMINÁ NAN KURSO DI LISENSIA D KOMO ENTRENADÓ DI FUTBÒL KU ÉKSITO!

 

 

Resientemente un grupo di entrenadó a partisipá na un kurso organisá dor di Departamento Tékniko di FFK den koperashon ku CONCACAF.

Den kuadro di e programa di edukashon, e departamento tékniko di FFK ta organisá diferente kurso pa reforsá nos entrenadónan ku mas informashon relashoná ku dunamentu di training na nos hóbennan.

E kurso di Lisensia D ta konsentrá riba e edat di hóbennan bou di 13 aña (U-13) i ta tin un durashon di 14 luna.

Durante e kurso e kursistanan a risibí algun sekshon di teoria i hopi sekshon práktiko.

Pa finalisá e kurso e kursistanan mester a pasa un èksamen final kaminda nan mester a duna un sekshon di práktika ku a evaluá ku nan a pasa tur e sekshonnan di un training.

Djaluna 2 di novèmber 2020 un total di 32 kursista a risibí nan sertifikado di Lisensia D.

Direktiva di FFK i Departamento Tékniko ta felisitá tur e entrenadónan ku nan logro i ta konta ku nan lo sa di sigui guia nos hóben futbolistanan pa desaroyo di nos futbòl lokal!

 

Masha pabien!

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: