SERVISIO METEOROLÓGIKO KÒRSOU DJADUMINGU, 8 DI NOVÈMBER 2020, 13:45 O.L. UN MENSAHE DI PREKOUSHON (KÓDIGO HEL) PA LAMAN BRUTU TA NA VIGOR PA ÁREANAN DI KOSTA SÙIT I WÈST DI KÒRSOU

• Resake i/òf bientu fuerte lo kousa laman brutu na kosta;
• Ola haltu lo kousa daño na boto chikí, si esakinan keda na tera kantu di awa;
• Inundashon di kosta lo kousa daño na fasilidatnan na playa.

• Ta konsehá usuario di boto chikí pa tene kuidou ora ku nabegá den e kondishonnan aki;
• Debí ku inundashon ta probabel den sierto área kantu di kosta, ta urgi doño di fasilidatnan na kosta pa protehá nan propiedat, kaminda ku esaki ta posibel.
• Ta konsehá hende ku ta landa pa tene kuidou i no bai leu for di kantu

Un Boletin Spesial ta ser emití pa eventonan di wer ku ta kousa inkonbeniensia general òf preokupashon den pueblo (ku ta rekerí atenshon i akshon di outoridatnan di brantwer i polis) i ku no por ser deskribí na un manera adekuá den un pronóstiko di tempu regular.

Un Mensahe di Prekoushon pa Laman Brutu ta un anunsio pa ora ku laman brutu ta posibel (probabilidat di 10 pa 30%) denter di próksimo 8 pa 24 oranan.

E frase ku ta kuminsá ku E KONDISHONNAN AKI LO DURA FOR ta duna un aproksimashon di e periodo di durashon di e kondishonnan di peliger.