”Kita opstákulonan pa tuma trahadó ekstranhero. Esaki pueblo ke? 

 

”Kita opstákulonan pa tuma trahadó ekstranhero. Esaki pueblo ke? 

Willemstad- Pa parlamentario Calmes ta prohibí lubidá kon Gobièrnu a purba konvensé pueblo kuantu kos Sr. Knops a permití Gobièrnu kambia den e CHE. Te awe no a presentá niun prueba dje kambionan ku eksepshon dje kambio di nòmber pa COHO i subida edat di penshun (67). 

Minister di Ekonomia ta hasiendo su esfuersonan pa bende e “landspakket” firma komo un triunfo pa kita e atenshon for di COHO. Desafortunadamente e Minister no ta splika ku un dje medidanan den e “landspakket”, bou dje kapítulo Reforma Ekonómiko ta menshoná:“Kita opstákulonan pa tuma trahadó ekstranhero” (“wegnemen belemmeringen voor aannemen buitenlandse arbeidskrachten”). E reforma aki pueblo ke di bèrdat?  

Pa Calmes e reforma aki ta muestra di ménos presio pa nos hendenan. Ta insolito ku ta bai gasta plaka i hasi un análisis riba e tópiko di entre otro “kita opstákulonan pa tuma trahadó ekstranhero” miéntras e Gobièrnu aki a sòru pa un desempleo nunka bisto. Gobièrnu ta kere ku esnan den “onderstand” òf riba karchi di kuminda kier biba asina?

Calmes a spera un análisis kon krea trabou òf reforma kon pa train, ekipá i transformá nos hendenan pa por hasi e poko trabou ku a sobra. E diáspora di kultura ku ta laborá na Kòrsou ta muestra ku nos pais semper tabata i lo keda habri pa otro nan. Sinembargo e reforma di kita opstákulonan pa tuma trahadó ekstranhero lo por ta algu funesto pa nos merkado aktualmente. Esaki ta otro prueba ku e Gobièrnu aki no sa e dòlor diario di hopi ku a pèrdè trabou i mester lucha duru pa trese pan kas. Calmes ta puntra: “Esaki te perspektiva ku Gobièrnu tin pa Kòrsou?” 

Calmes ta preokupá paso si e “landspakket” mes ta asina kon e COHO ku Gobièrnu a bai di akuerdo kuné lo ta?

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: