FIOD na Rotterdam a hasi detenshon di un hòmber di 23 aña djarason ultimo.

FIOD na Rotterdam a hasi detenshon di un hòmber di 23 aña djarason ultimo. E detenshon ta pa motibu di sospecho ku e hòmber aki di Rotterdam ta falsifiká dokumentunan di biahe en konekshon ku e deklarashon di Corona. E hòmber ta keda sospechá di ta falsifiká deklarashonnan di salú ku ta duna di deklará ku un persona ta sin e virus COVID-19 turesten ku e persona no a pasa e test nesesario. E dokumentunan aki ta keda bendí riba retnan sosial pa solamente 10 euro. A listra kas di e hòmber aki i a konfiská su kompüter i su telefon selular.Pa por biaha pa sierto partinan di mundu, inkluso nos islanan, ta nesesario pa bo tin un deklarashon ku bo ta liber di e virus COVID-19. Un test ofisial i un deklarashon di salú ta kosta 150 euro i e hòmber sospechoso aki tabata bende e deklarashon aki pa 10 euro riba retnan sosial. E deklarashonnan ta mustra ofisial ku stèmpelnan, nòmbernan i firmanan di dòkternan i laboratoriumnan, mientras ku e dòkternan ni e laboratoriumnan no tin nada di haber ku e kaso aki.Ta kontra di lei pa falsifiká deklarashonnan ofisial pero tambe ta kontra di lei pa kumpra esakinan. E investigashon ta dirigí tambe riba e personanan ku a kumpra e deklarashonnan falsifiká aki. E personanan ta kumpra e deklarashonnan sin ku nan a wòrdu di tèst i ta subi avion i biaha pa otro partinan di mundu. Ta posibel ku personanan infektá a hasi uso di e deklarashonnan falsifiká aki pa por a biaha i sigui plama e virus COVID-19. Pa por a realisá e investigashon aki FIOD a traha huntu ku e departamentu spesialisá di investigashon di unidat polisial di Den Haag. 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: