Servisionan ta kla para pa duna ayudo 

 

Servisionan ta kla para pa duna ayudo 

Kralendijk –  Áwaseru a sòru pa hopi molèster na Boneiru. KNMI a anunsiá ku por spera hopi mas áwaseru den oranan binidero. Diferente organisashon di gobièrnu, manera polis i brantwer, trempan a bini huntu pa palabrá kon duna ayudo. Tambe a para ketu kon evitá pa no bira mas malu.

Ta hasi un yamada na un i tur kon nan mes por evitá daño i molèster di awa. Por sosodé ku un kas ta yena ku awa. Si e habitante mester Sali for di e kas ta konsehá pa buska un kaminda di keda serka famia.  Den kasonan eksepshonal por buska un lugá pa keda. 

Ya kaba e servisionan gubernamental mester duna hopi ayudo na diferente lugá. Por pasa ku ta dura un tiki promé ku nan por duna ayudo paso mester asistí na otro sitio. Kada bes ta evaluá kiko tin prioridat. Ta spera di tur hende ku nan ta sòru bon pa nan mes tantu na kas komo riba kaya i ku kada ken ta karga na responsabilidat.   

This site uses Akismet to reduce spam. Learn how your comment data is processed.

error: Content is protected !!
%d bloggers like this: