Dia mundial di prevenshon di  HIV/ AIDS 2020

 

Dia mundial di prevenshon
di  HIV/ AIDS 2020

 

Ban pa mas solidaridat, interkambio i koperashon entre servisionan pa fortifiká nos sistema di salú públiko i krea un sistema mas resiliente

 

Willemstad – Tur aña riba 1 desèmber mundialmente ta para ketu pa reflekshoná riba e pandemia di HIV/AIDS, pa konsientisá, pasa konosementu i bringa stigma pa asina avansá mas den direkshon di eradikashon di e pandemia di HIV/AIDS. E mortonan a konsekuensha di HIV/AIDS a baha drástikamentu danki na remedinan anti retroviral, Delaster añanan HIV/AIDS a pasa di un sentensia di morto pa un malesa manehabel. Pero apesar di e avansenan aki tòg tin oumento di infekshon di HIV/AIDS. Esaki ta nifiká ku no por deskuidá  HIV/AIDS. 


Aki na Kòrsou tambe nos ta uni ku komunidat internashonal pa mantené e kompromiso, pa no laga HIV/AIDS slèk. E krisis di Covid-19 ta rekordá nos na un manera brutu kon dependiente nos ekonomía ta di nos salú, i ku nos salú ta depende SÍ i KON nos ta trahando huntu. Un sistema di salú públiko mankaron, kaminda no ta kompartí i no ta trahando huntu sufisientemente por kosta bida di hende! 

Por konsiderá HIV/AIDS e pandemia ku a dura mas largu te ku awor aki. For di e tempu ku AIDS a presentá, nos a mira ku epidemianan ta no ta stòp na frontera. 

 

For di fin di aña 90 tabatin progreso bastante grandi pero tòg HIV/AIDS ta kontinuá di ta un problema grandi pa salú públiko. Si nos servisionan di salú públiko no keda fortifiká awor, e historia di AIDS lo por ripití. Si nos invertí den sistemanan di salú públiko resiliente awor, nos lo por bringa Covid i kaba e lucha kontra AIDS i prevení trata i prepará pa otro futuro epidemianan. Nos no por permití keda mes un kaminda. E krisis di Covid-19 aki, maske kon horendo ku e por ta, ta un chèns úniko pa nos atendé ku problemanan struktural nos sistema di salú públiko. 

 

Retonan i kompromiso renobá

Ban renobá nos lucha kontra di HIV/AIDS. Ban invertí mas den servisionan integrá di HIV/AIDS. Reto mundial ta pa eliminá HIV/AIDS pa 2030. Nos por alkansá e meta aki? 

▪  Kuido inovativo sin interupshon. Diferente pais ta kambiando pa sistema di kuido inovativo pa no interumpí kuido di e pashènt di HIV/AIDS su kuido durante e pandemia. Un ehèmpel ta kambionan den dunamentu di resèpt. 

▪  Priorisá gruponan vulnerable. Durante pandemia di Covid 19 nos mester keda vigilá kuido di HIV/AIDS pe gruponan spesífiko di riesgo. Personanan ku ta usa droga, hòmbernan gay, personanan ku ta laborá den industria di sèks, detenidonan. E grupo aki mester por papia abiertamente ku nan dunadó di kuido sin mester tin berguensa.

This site uses Akismet to reduce spam. Learn how your comment data is processed.

error: Content is protected !!
%d bloggers like this: