KOMUNIKADO DI KUERPO POLISIAL KÒRSOU Posibilidat pa manda video i potrèt di forma digital pa investigashon.

 

KOMUNIKADO DI PRENSA 486 / 2020
8 desèmber 2020
Posibilidat pa manda video i potrèt di forma digital pa investigashon.
Departamentu di Komunikashon i Prevenshon
Página 1
KUERPO POLISIAL KÒRSOU
Telefòn: 866-6150 • 866-6152 • 866-6153 •
866-6154 • 866-6156 • 866-6158 •
E-mail: pr.polis@polis.cw
Wèpsait: http://www.polis.cw
Facebook : Korps Politie Curaçao
Adrès: Winston Churchillweg z/n • Willemstad • Curaçao
SIRBI I PROTEHÁ
Entrante djárason 9 di desèmber 2020, siudadanonan ku bira víktima di un krímen, por
ehèmpel atrako, ladronisia, kiebro den kas, kiebro den negoshi, maltrato òf destrukshon,
por manda sea imágennan di video òf potrèt pa kuerpo polisial di forma digital.
Di e manera aki polis ke fasilitá e siudadano mas tantu posibel, dor di no nesesariamente e
mester yega na un warda di polis pa entrega su materialnan di prueba.
Kon ta manda material den forma di video òf potrèt pa polis?
– E denunsiante ta subi riba e wèpsait di polis ku ta http://www.polis.cw;
– E ta klek riba ‘material digital’;
– Seguidamente e ta haña un formulario digital ku e mester yena i mas abou tin un
espasio pa manda (‘upload’) e material, kua ta e video òf e potrèt.
E material aki ta yega direktamente na e departamento digital di Kuerpo Polisial ku na su
turno di un forma konfidensial, ta manda e material pa e tim ku ta bai hasi e investigashon
konserní.
Tambe por manda video òf potrèt di kualke situashon ku bo ke pone polis na altura di dje,
òf krímen òf suseso ku bo ta kere ku ta importante pa polis investigá.
Ya kaba Kuerpo Polisial ta duna e posibilidat pa hasi denunsia via mail. Nos ta kontentu ku
hopi siudadano ta hasiendo uso di e plataforma aki i ta risibiendo reakshon tambe riba nan
denunsia.
Awor riba nos wèpsait http://www.polis.cw, tin un formulario digital, ku por yuda bo tene kuenta
ku tur e detayenan ku bo mester, pa na momentu ku bo ta formulá bo deklarashon di
denunsia.
Pa bo yega na e formulario aki, bo mester klek riba ‘hasi denunsia’ i te abou di e página, bo
por baha (‘download’) e formulario i us’e komo un formulario di sosten.
Pa esnan ku no tin akseso na un kòmpiuter òf no por mail, por tuma kontakto
telefónikamente ku un di e wardanan di polis pa traha un sita.
Den kasonan di urgensia, por bishita un di nos wardanan, teniendo kuenta ku reglanan di
higiena i distansia físiko.
Kuerpo Polisial inovando pa sigui sirbi i protehá!

 

This site uses Akismet to reduce spam. Learn how your comment data is processed.

%d bloggers like this: