KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIANOTISIA POLISIAL

MANEHO DI SERO TOLERANSIA DI POLIS I MINISTERIO PÚBLIKO DEN KUADRO DI MANTENSHON DI MEDIDANAN RELASHONÁ KU COVID

MANEHO DI SERO TOLERANSIA DI POLIS I MINISTERIO PÚBLIKO DEN KUADRO DI MANTENSHON DI MEDIDANAN RELASHONÁ KU COVID

Ku e aprobashon i entrada na vigor di e Lei di Emergensia i e dekretonan di aplikashon basá riba esaki, Gobièrnu i Parlamento di Kòrsou a krea un instrumento fuerte pa kombatí e virùs di COVID19.

Durante di e lock down den mart di 2020 i e periodo despues di esaki a bin sali na kla ku e violashon di e derechonan fundamental ku tabata inkluí den e diferente areglonan di COVID, posiblemente no tabata tin un base hurídiko sufisiente. Pa e rason ei, polis a aktua di un manera limitá i prinsipalmente di un manera di atvertensia i Ministerio Públiko (OM) no a inisiá un proseso hudisial aktivo. Entretantu Staten a fiha e reglamento rondó di e situashon di eksepshon.

Esaki ta krea e espasio pa polis i OM por tuma medidanan punitivo. Den e Triangulo, e deliberashon entre Minister di Hustisia, polis i OM a palabra kiko e sanshonnan ta i kon polis lo bai aktua.

Mirando e oumento grandi di infekshonnan di COVID-19 un maneho punitivo ta nesesario tambe. Mirando ku esaki ta un kambio opvio en komparashon ku e maneho ku tabata konta anteriormente, OM ta yama atenshon di pueblo pa ku e kambio aki, ku por lo por butnan konsiderabel si no ta kumpli ku e normanan nobo adoptá dor di gobiernu. OM lo hiba un maneho di sero toleransha den konekshon ku violashon di e medidanan di COVID.

This site uses Akismet to reduce spam. Learn how your comment data is processed.

%d bloggers like this: