Kódigo oraño un sla doloroso pa Boneiru Code oranje gevoelige klap voor Bonaire

 

 

Kódigo oraño un sla doloroso pa Boneiru 

Kralendijk – Gezaghèber Edison Rijna ta lamentá ku gobièrnu hulandes a disidí pa duna Boneiru un konseho di biahe oraño. ,,Delaster tempu nos a traha duru pa bai di kódigo oraño pa kódigo hel. Nos a logra esei i e kantidat di kaso di Covid-19 a keda abou,” asina Gezaghèber a deklará.  P’esei e desishon a kai di sorpresa. 

E desishon a kai na momento ku ta spera un fluho grandi di turista di Hulanda.  Kompanianan di aviashon a asta amplia nan kantidat di buelo pa Boneiru pasobra ta seif pa bini ku vakashon. Tabatin basta preokupashon na Boneiru paso no ta tur turista ta mantené nan mes na e medidanan ku ta konta akinan.  

E medida akí ta un sla duru pa ekonomia di Boneiru ku nèt a kuminsá ta drecha un tiki. Tin kombersashon ku ta tumando lugá entre gobièrnu di Boneiru i gobièrnu hulandes tokante medida èkstra di ayudo pa pueblo pasa den e tempunan difísil.  Hopi hende a pèrdè trabou den sektor di turismo kaba. Awor ku pa algun siman kaba tabatin turista ta bini na e isla atrobe, hopi hende tabata karga speransa pa futuro.

Ta di komprondé ku Hulanda ta tuma medida severo pa e pais awor ku aya e kantidat di kaso di COVID-19 ta subi atrobe. Di otro banda Boneiru tin e vírùs bou di kontròl. Awor tin sinku kaso aktivo di Covid-19. Gobièrnu di Boneiru ta bai wak e siman akí kiko por hasi pa kompensá e kontratempu. Mañan durante e konferensia di prensa lo duna mas informashon kon ta sigui anda.   

 

 

 

Code oranje gevoelige klap voor Bonaire 

Kralendijk – Gezaghebber Edison Rijna vindt het erg jammer dat de Nederlandse regering heeft besloten om Bonaire een code oranje reisadvies te geven. “Afgelopen tijd is er hard gewerkt om van code oranje naar code geel te gaan. Dat is ons gelukt en het aantal besmettingen is laag gebleven,” aldus de Gezaghebber. Daarom komt de  beslissing als een verassing. 

Het besluit komt op het moment dat een grote stroom toeristen uit Nederland wordt verwacht. Vliegtuigmaatschappijen hebben zelfs hun aantal vluchten uitgebreid omdat het veilig is om naar Bonaire op vakantie te gaan. Hierover ontstonden wel zorgen op het eiland, omdat niet alle toeristen zich aan de hier geldende maatregelen houden.  

Met deze maatregel wordt de economie van Bonaire, die net weer op gang kwam, weer hard getroffen. Er zijn gesprekken gaande tussen de Bonairiaanse overheid en de Nederlandse regering over extra steunmaatregelen om de bevolking door moeilijke tijden te loodsen. Velen hebben hun baan in de toeristische branche al verloren. Nu er sinds enkele weken weer toeristen naar het eiland kwamen, waren velen hoopvol voor de toekomst. 

Dat Nederland besluit harde maatregelen te nemen in eigen land is begrijpelijk nu het aantal besmettingen met het coronavirus daar weer stijgt. Aan de andere kant is het virus op Bonaire onder controle . Er zijn op dit moment nog maar vijf actieve Covid-19 gevallen. Vanuit de overheid van Bonaire wordt deze week bekeken hoe deze tegenvaller op te vangen. Morgen tijdens de persconferentie wordt bekendgemaakt hoe hiermee wordt omgaan.