PARTSIPASHON IMPORTANTE PA EMPRESARIO
PARTSIPASHON IMPORTANTE PA EMPRESARIO
Na e momentunan aki, pais Kòrsou ta konfrontando problemanan finansiero serio. Na mes momento e moral pa paga impuesto di sierto habitantenan ta laga hopi di deseá. Ministerio Públiko (OM) huntu ku su partnernan ta bai kombatí esaki. Dor di no hasi deklarashon di impuesto, keda sin suministrá servisio di impuesto ku e informashon rekerí, hasi deklarashon di impuesto falsu of inkumplimentu ku otro obligashon manera esaki ta preskribi de e Ordenansa General di Impuesto di Pais (Algemene verordening Landsbelastingen, ALL), menos plaka ta drenta den kaha di país. Plaka ku ta destiná pa edukashon, salubridat, vivienda, infrastruktura, ets pa e ko-suidadanonan. Mas chikitu un komunidat ta, e presupuesto tambe ta mas chikitu di manera ku e impakto di evashon di impuesto ta mas grandi. Pa medio di e partisipashon aki, Stichting Belastingaccountantsbureau (SBAB) i OM kier a pone tur empresario na altura di lo siguiente:
Konforme e Ordenansa General di Impuesto di Pais (ALL) tur empresario tin e obligashon di entregá nan deklarashon di impuesto kompletu, korekto i na tempu. Riba e websait di Inspekshon di Impuesto (www.belastingdienst.cw) e formularionan legal ta publiká.
Na 2020 kolaboradónan di SBAB a bishita empresarionan diferente biaha konkretamente tokante e retraso den nan deklarashon di impuesto. E petishon tabata pa kumpli ku nan obligashon, bou di menasa di butnan atministrativo i persekushon penal.
Entrante 2021 tur empresario ku no a duna oído na e atvertensianan por eskrito mester tene kuenta ku e siguiente medidanan:
• Un bishita di e Tim di Servisio di Informashon i Investigashon;
• Si no kumpli ku regla lo duna un prosès verbal;
• Sanshon di OM i/o Korte.
Lo usa derecho penal komo e último rekurso. Na momento ku otro posibilidatnan no duna resultado, òf si ta buska un efekto sosial èkstra, lo rekuri na persekushon. Hopi biaha lo ofresé un transakshon, pero si echo i sirkunstansia ta pidi, lo dagfar mesora. Esaki ta kondusí ku e but manera ku posibelmente lo a wordu imponé den un kaso atministrativo, lo wòrdu usá komo base pa un demanda penal.
Debí ku a skohe pa e último rekurso ku ta derechi penal, mester tene kuenta ke e demanda dilanti hues lo ta mas pisá ku esun atministrativo. Lo demanda un but mas haltu i tambe otro tipo di kastigu manera un kastigu di tarea òf hasta un kastigu (inkondishonal) di prisòn òf un kombinashon di esaki.
Punto di salida di Ministerio Públiko ta keda e interés pa país. OM ta spera ku tur hende lo paga nan impuesto ku nan debe konforme e legislashon di impuesto. Fuera di esaki no ta importa ku ta hasié pa motibu étiko òf sosial òf un deseo pa sirbi bo país.
