Calmes: ”Parlamento no tin informashon riba COVID-19. Otro bèrguensa”

Calmes: ”Parlamento no tin informashon riba COVID-19. Otro bèrguensa”

Willemstad- Parlamentario Calmes ta lamentá ku nos Parlamento no ta risibiendo informashon riba status di COVID-19 na Kòrsou. Durante reunion resién di IPKO Calmes a tuma nota ku miembronan di Parlamento Hulandes ta risibí periódikamente informashon di nan Minister di salubridat riba COVID-19. 

Konsehonan risibí di vários entidat, enkuanto COVID-19, e Minister Hulandés ta manda òf uza pa reportá na Parlamento Hulandes. Di e forma aki e Parlamento Hulandes tin bista riba status i desaroyonan enkuanto e pandemia.  Sigun Calmes: ”Mandamentu di  “whatsapp” kombiná ke “show” di tur dia no ta e forma formal pa informá nos Parlamento. Un bèrguensa total. 

E dokumentonan ku Parlamento Hulandes a risibí for di nan Minister ta kontené asta informashon balioso tokante di Kòrsou. Pakolmo tin di e rapòrtnan aki a wòrdu mandá pa Kòrsou. Kiko ta imponé nos Minister di Salubridat pa manda nan pa Parlamento? Calmes ta proponé pa Minister Jesus Leito dis “forward”, via email, e rapòrtnan pa nos Parlamento manera e risibí nan. Pone nan riba website ta un otro solushon práktiko.

Resientemente Hulanda a kuminsá ku bakunashon a base di un plan di strategia i un asina yamáh “roadmap”. Unda esun di Kòrsou a keda? Calmes no ta kontentu ku ahinda un kampaña di informashon riba e bakuna no a kuminsá. Mas preokupashon a lanta ora Calmes a komprondé ku na Hulanda mester a kore traha un sistema outomatisá, ku ta kumpli ku lei di privasidat, pa por registrá i atministrá tur dato di kada hende bakuná. E sistema di Kòrsou ta klá?  Enbes di hinka tempu den traha e lei di guera, Gobièrnu mester a pone foko riba solushon. Ta bisto ku prioridat no ta pueblo.

This site uses Akismet to reduce spam. Learn how your comment data is processed.

error: Content is protected !!
%d bloggers like this: