𝗗𝗲𝗮𝗻 𝗥𝗼𝘇𝗶𝗲𝗿 𝘁𝗮 𝗴𝗿𝗮𝗱𝗶𝘀í “𝗞𝗿𝗮𝗰𝗵𝗶𝗻𝗮𝗻”

Press Statement:
Kòrsou 10 di yanüari 2021

𝗗𝗲𝗮𝗻 𝗥𝗼𝘇𝗶𝗲𝗿 𝘁𝗮 𝗴𝗿𝗮𝗱𝗶𝘀í “𝗞𝗿𝗮𝗰𝗵𝗶𝗻𝗮𝗻”

Dean Rozier, di e forma aki ke gradisí tur sektor den e komunidat aki ku di un òf otro manera a mustra i dun’e sosten konkreto for di e momentu ku el a anunsiá ku el a asosiá na Partido Democraat. Den tur transparensia Dean Rozier ta informá ku el a entregá su retiro na direktiva di Partido Democraat. Tabata un momentu no deseá, pero e mester a tuma lugá.

Rozier ta mira bèk ku gratitut riba e periodo intensivo ku hopi desaroyo positivo pa e partido i ku Kòrsou na mente. Rozier ta e arkitekto pa loke ta trata e kambio di ideologia di DP pa unu Liberal, loke ta enfatisá e direkshon pa Kòrsou kana i yega na prosperidat den e tempu aki.
Meskos ta konta pa e programa di partido kaminda a konsentrá atenshon na aspektonan importante den desaroyo di nos pais manera un ekonomia vibrante, edukashon di nivel haltu pa empoderá nos siudadanonan i bon relashon den reino pa logra mas adelanto pa pueblo.
último, pero nos ménos importante, ta e relashon bunita di rèspèt mutuo ku e ‘Krachinan” humilde i bon eduká di DP ku a dun’e tur nan konfiansa i sosten.

Kòrsou ta na un krusada hopi importante i esei ta eksigí lidernan íntegro i kapas pa trese e kambionan tan nesesario, esei Dean Rozier ta para pe. Siendo un empresario eksitoso ta pone ku e tin bon bista riba desaroyonan sosial i ekonómiko den nos pais. P’esei ta bon si esun ku ta bon hasi sakrifisio pa asina nos por tin un pais kaminda tur hende ta mihó.
Danki na tur pa nan sosten, i sigui hasi tur dia lo máksimo esfuerso pa nos pais por ta mihó.