Preguntanan Calmes Reunion Parlamentario (Aqualectra)

Preguntanan Calmes Reunion Parlamentario (Aqualectra)

 

Sr. Presidente…Mi ta kontentu ku finalmente a pone un reunion riba un kompania di Gobièrnu. Sinembargo mi ta keda ripiti i lo sigui ripiti…ki dia ta pone reunion riba Isla? Ta 13 luna a pasa! Sr. Presidente tin mas ku 4000 mil hende ku a pèrdè nan pan. Akaso nan no tin ku haya atenshon? 

Sr. Presidente…trahadónan di Girobank tambe ta puntra ki dia Gobièrnu ta bin duna kara. Via prensa i TV pueblo por a mira ku Gobièrnu a lanta dos NV den kaso Hulanda bai di akuerdo pa fia Gobiernu un montante. Great… Pero kiko Gobiernu a hasi pe trahadónan mes di Giro? Mi ta alerta…pena la bida den…manda Girobank failiet i duna e trahadónan solamente sesantia!

Awor algun pregunta pa Aqualectra via di Minister…pa haya aklarashon i informashon.

  1. Ma hasi un kalkulashon di preis di awa entre Korsou, Aruba i Boneiro. Mi kalkulashon ta basa riba 3 kup i tambe di 15 kup. Menshona esaki nan….

 

   Water Naf
Curacao 3 kup 25.07
Aruba 3 kup 13.65
Bonaire 3 kup 20.69
   Water Naf
Curacao 15 kup 231.60
Aruba 15 kup 98.55
Bonaire 15 kup 103.49

 

  1. Kiko te motibunan ku Awa na Korsou ta mas karu ku na Aruba i Bonaire? 
  2. E diferensha nan ta hopi grandi mes!  Kon por baha e preisnan haltu aki? 
  3. Kiko te komponente ku ta hasi e prijs per kup asina haltu na Korsou?

 

  1. E entidat di Nashonan Uni,  “HUMAN RIGHT” i tambe “World Health Organisation” a kalkulá ku un persona  mester di alrededor di 50 pa 100 liter di awa pa dia. Kon Aqualectra ta kumpli ku esaki? 
  2. Nos tur a tuma nota dje “black outs” nan. Situashonnan hopi ferfelu…A laga hasi un investigashon independiente? Kua kompania a hasi esaki? Kiko te resultado nan? 

 

Sr. Presidente,…riba 20 yanüari 2020 mi a manda pregunta pa Minister. Esaki tabata hopi promé ku e seri dje “black outs” nan. E foko dje pregunta nan tabata pa risibí informashon kuantu hende ta “claim” na Aqualectra i kuantu Aqualectra a paga na klientenan. Aki mi ta ripití e preguntanan atrobe!

  1. Minister por informá nos kuantu kaso di interupshon den suministro di koriente a wòrdu registrá den 2017, 2018, 2019 i tambe awor 2020?
  2. Minister por informá nos kuantu kaso (“claim”) di aparatonan ku a daña, ora e suministro di koriente kai afó i bini bek,a wòrdu reportá durante 2017, 2018, 2019 i tambe awor 2020?
  3. Minister por informá nos kuantu te suma ku Aqualectra a paga na kompensashon na klientenan pa aparatonan ku a daña ora e suministro di koriente kai afó durante 2017, 2018, 2019 i tambe awor 2020?
  4. Sr. Presidente…atrobe mi kier hala atenshon ku Parlamento no a risibí e kuenta nan anual dje NV nan di pueblo. Un bèrgwensa mi koleganan Parlamentario. Ta aseptá nan burla dje Parlamento aki…pero kambio ta na kaminda. Mi ke duna un “pluimpje” pa Aqualectra. Nan a pone nan kuenta anual riba nan website! Direktor asina ta hasi transparensia!
  5. Den e kuenta anual di Aqualectra 2019 na kapítulo 5.5.2 ta mustra tur e propiedatnan di Aqualectra. 
    1. Na un balor di 92.4 mion ta pone “work in progress”. Kiko esaki ta? Un deskripshon?
    2. Ta indiká ku e “book value” dje ret di komunikashon ta  1.06 mion? Por duna splikashon?
  1. Na kapítulo 5.6.2   dje kuenta anual di 2019 ta mustra e gastu nan direkto di produkshon. Ne elemento “Fuel usage” nos ta mira 158.3 mion. 
    1. Por konkluí ke gastu nan di “fuel” ta mas ku 68% dje gastu nan?
    2. Nos por risibí un lista dje “direct cost production” dje último 3 anja nan?
    3. Kiko Aqualectra ta hasi pa baha e gastu mayor aki?
  1. Ta un kontrakt Aqualectra a sera ku e kompania di Wind Farms? Kiko te tèrmino dje kontrakt i na kua aña esaki ta terminá?
  • Den e kontrakt aki ta un preis fiho pa Kilowatt e Wind Farms a palabra ku Aqualectra? Nos por risibi informashon? 
  • Kiko ta pasa ora e kompania di Wind Farms no por suministrá koriente na Aqualectra?
  • Por splika kiko te post “Purchase of water & electricity” di 19.7 mion den paragraf 5.6.2?
  1. Kiko te aktual “net verlies” di awa? Unda esaki ta wòrdu indiká den e kuenta anual? Por duna mas informashon?
  2. Aqualectra ta hasiendo uso di energia solar? Aqualectra ta bai amplia uso di energia solar?
  3. Kuantu sèn Aqualectra tin riba kaya na final di aña 2020? Por kategorisá esaki den konsumidó di kas i empresa? Kiko te impakto di esaki riba Aqualectra?
  4. Ta konosí ku desempleo a subi barbaramente. Nos desempleo ta yegando kasi 45%. Kon Aqualectra ta yuda e pueblo ku a perde nan trabou i ku no por paga?
  5. Sr. Presidente.. Lamentablemente den e kuenta anual 2019 di Aqualectra mi no ta mira nada nada over posibel ayudo na sektor di agrikultura. Kon òf kiko Aqualectra ta hasi pa yuda agrikultor nan?
  6. Aqualectra ta bini ku awa pre paga? Esaki ta posibel?
  7. Sr. Presidente,…Resientemente nos a komprondé ku a instalá diferente lus led den algun bario. Aqualectra por indiká ken a paga pa esaki nan Gobièrnu of Aqualectra?
  8. Na Kòrsou ainda nos tin vários bario ku ta den skuridat. Si..skuridat. Kiko te maneho di Aqualectra pa pone lus den barionan ku no tin lus di kaya?
  9. Sr. Presidente,…Minister por indiká ku Gobièrnu tin Aqualectra tambe riba lista pa bende? Ta bai bende akshon of “aandelen” di Aqualectra?
  10. Minister por indiká ku via COHO/Landspakket,.. firma na 2020 … instansianan pronto lo por kumpra akshon i partisipashon den Aqualectra?

This site uses Akismet to reduce spam. Learn how your comment data is processed.

error: Content is protected !!
%d bloggers like this: