Korte ta Ratifiká Porsentahe di Gastu Annual Máksimo (‘APR’) di 27% Stipulá pa CBCS, Ahustando e Periodo di Transishon i Fihando un Máksimo Apart pa Fiansa di Tres Luna

Korte ta Ratifiká Porsentahe di Gastu Annual Máksimo (‘APR’) di 27% Stipulá pa CBCS,
Ahustando e Periodo di Transishon i Fihando un Máksimo Apart pa Fiansa di Tres Luna

Willemstad/Philipsburg – Den desishonnan dirigí na e institutonan di fiansa na Kòrsou i Sint Maarten, Centrale
Bank van Curaçao en Sint Maarten (CBCS) a stipulá un APR máksimo di 27%. E APR máksimo ta konsistí di
e kosto di krédito total ku e konsumidó mester paga, ekspresá komo un porsentahe anual di e suma total di
krédito. A introdusí e APR máksimo ku e meta di protehá e konsumidó kontra interes eksorbitante i krédito
eksesivamente kostoso.
Kuater instituto di krédito a apelá e medida akí di CBCS te na e instansia di mas haltu. Dia 1 di febrüari 2021,
Korte Komun di Hustisia a dikta sentensia den e kaso akí1
, determinando ku:
1. CBCS, “korektamente, a inkliná e balansa kontra e apelantenan i otro dunadónan di krédito i na interes di
protekshon di konsumidó” i ku CBCS “por disidí di mara e dispensashonnan na un APR máksimo di 27%”;
2. Ta fiha, komo fecha (kambiá) di entrada na vigor, dia 1 di yüni 2021;
3. Pa fiansa ku plaso di tres luna òf ménos, ta fiha un APR máksimo di 45%, bálido te 1 di yüni 2023.
E eksepshon ku Korte a hasi relashoná ku e fecha di entrada na vigor i e porsentahe temporalmente diferente
pa krédito di tres luna ta konta solamente pa e apelantenan en kuestion; pa e demas dunadónan di krédito ku a
risibí e desishon, e APR máksimo di 27% ta keda plenamente na vigor i ta konta pa tur krédito di konsumo.
Despues di añanan largu di disputa legal, e sentensia akí di Korte ta brinda klaridat. CBCS lo vigilá kumplimentu
ku e APRnan máksimo, pa protekshon di konsumidó kontra krédito eksesivamente kostoso i na fabor di un
sistema finansiero sano i íntegro.
Kualke konsumidó ku tin pregunta tokante e APRnan máksimo por dirigí esakinan por eskrito na CBCS na
cbcs@centralbank.cw.
Willemstad, 4 di febrüari 2021
CENTRALE BANK VAN CURACAO EN SINT MAARTEN

 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: