Dia Mundial di Lucha Kontra Kanser Infantil, 15 di febrüari 2021

Dia Mundial di Lucha Kontra Kanser Infantil, 15 di febrüari 2021

Willemstad Pa WHO (World Health Organization)  i komunidat internashonal ta para ketu tur 15 di febrüari awor na e lucha kontra kanser infantil, o sea kanser serka mucha. Minister Zita Jesus- Leito i Ministerio di Salú, Medio- Ambiente i Naturalesa ta uni su mes na e lucha aki hasiendo un yamada na komunidat  pa para ketu na detekshon trempan di kanser en partikular di mucha en general. 

 

Tur dia mas di 1.000 mucha ta keda diagnostiká ku kanser. Mas ku 80% di muchanan den paisnan desaroyá ta sobrebibí esaki. Esaki danki na logronan grandi den siensia i  salú públiko. Pero pa hopi mucha ku ta biba den paisnan no desaroyá, e realidat di morto ta muchu mas haltu. Esaki mester kambia.

E echo ku WHO a pone lus mundialmente riba Kanser di Mucha, ta pa konsientisá i yuda tur mucha rònt mundu. E meta ta pa duna tur mucha e chèns pa nan por sobreviví i biba un bida abudante sin sufrimentu. Na diferente parti di mundu kanser ta e di 2 kousa di morto serka mucha riba 1 aña, miéntras ku aksidente ta number 1. 

 

Último añanan a logra avansenan importante den tratamentu di kanser infantil. Un ehèmpel ta leukemia, un enfermedat ku ántes tabata  fatal.

Siendo e tipo di kanser mas frekuente bou di mucha, mayoria mucha por kura di leukemia awendia. Tambe a logra progresonan grandi  pa ku tratamentu di tumor, dor ku ta uza formanan kombiná di método di radioterapia, sirugia i kimoterapia ku a subi e sobrebibensia masha tantu mes serka mucha.

 

Mucha ta diferente for di adulto. Serka adultonan, faktornan di riesgo ku ta hunga un ròl pa kousa kanser ta:

  • Konsumo di tabako
  • Tiki konsumo di fruta i bèrdura
  • Konsumo dimas di alkohòl
  • Falta di aktividat físiko 


Serka muchanan e faktornan aki no ta hunga un ròl pero importante ta pa tuma akshon ora ku detektá algu straño òf síntoma diferente di lo nòrmal. E meta ta keda detektá tempran. Na Kòrsou tambe nos ta para ketu riba esaki, mirando ku nos tambe ta ekspirenshá muchanan ku ta sufri di kanser. Awe dia 15 di febrüari nos ta para ketu riba esaki dunando e muchanan tur atenshon pa nan tambe por hiba un bida sin sufrimentu.

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: