No ta bai perhudiká Penshonadonan. Nan por keda trankil

 

No ta bai perhudiká Penshonadonan. Nan por keda trankil

Geplaatst op 17 February 2021 dor di Ministerio Desaroyo Sosial, Labor i Bienestar

Willemstad – Gobièrnu ta informá di no tin intenshon pa baha penshun di behes. Realidat ta ku e pandemia di COVID-19 a pone ku aktividatnan ekonómiko na Kòrsou a baha supstansialmente i konsekuentemente entrada di e fondo di AOV tambe ta baha.

Ora ekonomia ta bai malu, esaki ta nifiká ku ta ménos ta e hendenan ku ta aportá pagando prima. Di otro banda t’asina ku e fondonan si mester sigui kumpli ku pagonan na penshonadonan, dunadónan di kuido ets.

P’esei SVB a hañ’é obligá na formulá alternativanan pa garantisá ku por sigui paga AOV.
Punto di salida di Gobièrnu ta ku Gobièrnu lo no tuma ningun desishon ku ta afektá forsa finansiero di penshonadonan. Pues penshonadonan por keda trankil pasobra lo no mishi ku nan penshun.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: