Chehadi Eddine : Ora tin skarsedat, hende lo bringa otro mané Samuru rankándo riba un pida wesu. E bringamentu entre nos mes aki ta susode ora un Gobiernu no (por) brinda un mihó perspektiva. 

 

[Trabou | Ekonomia | Krea Oportunidat | Bienestar] Chehadi Eddine (DP #5)

Ora tin skarsedat, hende lo bringa otro mané Samuru rankándo riba un pida wesu. E bringamentu entre nos mes aki ta susode ora un Gobiernu no (por) brinda un mihó perspektiva. 

Tin 5590 hende buskando kas, 22mil hende sín trabou, 13mil hende kategorisá komo “pober”, desaroyo stanká, krìmpmentu di nos Ekonomía ku 2.5%, belásting ku a subi kumulativamente ku 6.3%  , 45% di nos komunidat ta pegá den un sirkulo visióso. Kon largu más bo ta kere nos por mantené e situashón aki?

Pero e kandela a sende, tin Lús na nos Horizonte.

Ora Krea Oportunidat, hende por produsi abundansia; dunando e Resultado kaminda tur hende tin trankilidat y felisidat. Awóraki No ta asina, Pero, Kón Sí Por? Hopi partido polítiko ta primintibu Shelu i tera. Masha bunita, pero kuá di nan tur Sa KÓN pa (of ké) Hasi esaki realidát?

Laga nos kuminsa ku solamente ún idea futurístiko, pero realisábel dentro di e proximo 3-5 aña;

  1. “Cruise Terminal” na Banda’bou: 

Konstruí un Terminál pa Barku Kruséro di Tamaño Chikí y Mediano (nota: e Barku grandinan lo keda drenta Willemstad, Anabaai i Megapier). 

Turista lo baha drenta Wèstpunt/Bandabou kaminda nan por:

  1. tuma un kareda pa ‘Sight seeing’ den un “Wabi”, 
  2. Bai kèiru den un Garoshi halá door di kabai, 
  3. Subi lómba di un kabai bai watamula, 
  4. Huur un baiskel i explorá e teritorio, 
  5. dal un warapa di tamarein of aw’i Lamunchi, of yerba Friu (estilo Iced tea), 
  6. bishita kualke playa, dal un kuminda krioyo òf dal un koi pasa boka (na kas di ‘Tanchi’ ku a wòrdu di kùr door di GGD, òf na un restaurant local,) 
  7. tuma un masashi ku zeta di koko
  8. vlècht nan kabei riba ‘Beach’
  9. hasi manicure/pedicure ku produktonan lokal
  10. kumpra souvenir (trahá aki di material importa, lokál, of resiklá)
  11. Kontempla e elegansia di turtuga, respetando su teritorio
  12. Piska (responsabelmente) den bot’i piskadó outentiko
  13. Hike den Christoffelpark i disfrutá di nos Medio Ambiente i Naturalesa
  14. Siña traha pan será
  15. Bishita Museo di kas di Pali Maishi
  16. Pasa día, Chill basilá den Weekend Huis
  17. Tuma un kurso estilo ‘bootcamp’ di Papiamentu, òf Dominó
  18. Sinja Baila, of Wak eksposishon di Baile di folklore, Kumpra Instrument Krioyo (Bénta, tambu, Kachu, Raspu, Chapi, triangle etc.)
  19. Of djis sinta wak laman i meditá kon dushi bida tá

Kuantu aktividat ekonomiko mas bo més por pensa rondó di e idea áki? Tur e servisio I produktonan aki lo por wòrdu ofresé dor di Ábo, of bou di guia di personanan Lokal, meskos ku abo. 

Kòrsou tin Oportunidat pa Trabou Digno, kaminda abo por gana un dushi Bibá, traha bo mes kas I kuida bo sernan kerí; E uniko kos Gobiernu Mester hasi ta hala fo’i kaminda, hábri e kaminda pa e desaroyonan aki por tuma lugá, I kontrolá pa e kosnan pasa na un manera ordená.

A yega ora pa kambia loke ta stroba nos: Mester Kambia Ley y Strukturanan Antikuá ku no ta Sirbi nos mas, Kambia Gobiernu ku ta Difikultá i Kosta nos en bes di Fasilitá !

Ban Konstruí pa nos por biba un bida Sostenibel, Produktivo i Dushi. Ban ku Partido Democraat

This site uses Akismet to reduce spam. Learn how your comment data is processed.

error: Content is protected !!
%d bloggers like this: