Gobièrnu ta firma akuerdo ku Hensley (Bambam) Meulens pa desaroyo di vèlt na tereno di DABA (Dutch Antilles Ballpark Academy) pabou di Sabana Ballpark

Gobièrnu ta firma akuerdo ku Hensley (Bambam) Meulens pa desaroyo di vèlt na tereno di DABA (Dutch Antilles Ballpark Academy) pabou di Sabana Ballpark

 

WILLEMSTAD – Awe djaweps 18 di febrüari 2021 Gobièrnu di Kòrsou a firma un akuerdo ku Dutch Antilles Ballpark Academy Foundashon (DABA) pa desaroyá e vèlt pabou di Sabana Ballpark/hanchi dilanti di Richard ‘Chati’ Constansia, banda di Richard Elhage. Minister Croes huntu ku Minister Jesus-Leito a firma ku nos astro pelotero sr. Hensley Meulens ku ta representá DABA. E akuerdo aki ta forma parti di gobièrnu su maneho pa atendé ku fasilidatnan deportivo i vèltnan, den kual ta firma akuerdo ku organisashonnan ku ta bin na remarke pa hasi esaki segun un lista di kriterio. E akuerdo ku Bambam Meulens tin un durashon di 5 aña ku e posibilidat pa alargá esaki. A base di e akuerdo aki DABA ta bai desaroyá un proyekto fantástiko pa nos hòbennan. E ta enserá formashon di hòbennan den e deporte di baseball, stimulá desaroyo di baseball den e parti di Reinu den Karibe, organisá aktividatnan di baseball manera clinics, seminario pa coach i training. Tambe e fundashon ta bai sòru pa diferente material nobo pa nos hòbennan por praktiká baseball di un manera optimal. Alabes lo pone yerba artifisial, konstruí “cages”, “dogouts”, un tribuna i un kura (omheining).

Den último simannan Minister Croes a hasi su máksimo esfuerso pa e akuerdo aki keda finalisá pa asina e proyekto por start. Den e siguiente potretnan por haña un mihó bista di e proyekto. Di e forma aki Minister Croes ta trahando duru pa den kuadro di e maneho di gobièrnu desaroyo di deporte por tuma lugá i brinda e perspektiva deportivo na nos hóbennan.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: