E ultimo dianan ku a pasa akii Kuerpo Polisial di Kòrsou tabata rondona di notisia negativo.
E ultimo dianan ku a pasa akii Kuerpo Polisial di Kòrsou tabata rondona di notisia negativo.
A prolonga e detenshon di e 4 agentenan i mesun dia den un kaso den korte a sali na kla ku un otro agente polisial a komete un akto ku no ta aseptabel den bista di kuerpo polisial.
Nos ta papia di agente polisial di fam M. E agente a wordu nombra pa e motibu ku den un kaso di ku tabata tin haber ku ladronisia, ela “fia” ongeveer 15 mil florin. Esaki a wordu tuma den beslag for di e sospechoso ku a hòrta esaki for di e viktima.
Agente M a pidi e viktima ku si ta posibel ku e por “fia” e sèn i ku tempu lo ela paga e montante ku ela fia bek. Esaki a sosode for di oktober 2020.
E viktima a asepta e propishon di Agente M i a yena dokumentunan Polisial kual ta konfirma ku ela risibi su sèn bek. Agente polisial M no a tene su mes na e afspraak ku e tabata tin ku e viktima, esei a bin sali na kla den sala di korte ayera.
E agente M a asepta ku tur kos ku a wordu papia ta kuadra ku e realidat.
Nos ta pendiente di ki stapnan KPC i Ministerio Públiko lo bai tuma en kontra di e agente polisial.