KOMUNIKADO DI KUERPO POLISIAL KÒRSOU: Aksidente di tráfiko na Aqua Sol (ku video di 3 angulo)
KOMUNIKADO DI PRENSA 119 / 2021
22 di mart 2021
Aksidente di tráfiko.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaluna 22 di mart 2021, alrededor di 11.32’or Sentral di Polis a risibí informashon di un
aksidente ku a tuma lugá na un minimarket riba Kaya Wlademier Coco Balentien.
Na yegada di un unidat polisial na e sitio nan a topa ku un pikòp para den e entrada di e
minimarket i tabatin personanan heridá.
For di un investigashon ku polis a hasi na e sitio a resultá ku un hòmber ku tin un pia di
goma, a kore subi lugá di parker di e establesimentu i no por a primi brek di e pikòp i esaki a
kore drenta den e establesimentu. Dor di e akto aki seis studiante i dos adulto a resultá
heridá. Ambulans a transportá dos studiante pa departamentu di emergensia di C.M.C. i
sobra heridonan a keda tratá na e sitio mes.
Departamentu di Tráfiko ta kontinuá ku e investigashon.