Departamentonan di Gobièrnu ta adaptá servisio na komunidat
Departamentonan di Gobièrnu ta adaptá servisio na komunidat
Geplaatst op 23 March 2021 dor di Ministerio Maneho di Gobernashon, Planifikashon i Servisio Públiko
WILLEMSTAD – Departamentonan di ministerio di Maneho di Gobernashon, Planifikashon i Servisio Públiko ta notifiká komunidat ku su departamentonan lo ta será relashoná ku medidanan pa salbaguardiá nos salú kontra di COVID-19.
Departamentonan manera di Reibeweis (Sta. Rosaweg): ta sera te próksimo aviso.
Departamento di Asuntunan Públiko (Kranshi): Tur sita pa pasport, reibeweis i sédula trahá online ta ser kanselá. Kranshi ta habri di djaluna te ku djaweps di 9’or di mainta pa 2’or di mèrdia pa servisionan ku ta vital, manera:
– òp yu
– òp fayesementu
– kita nòmber
– servisionan ku ta ser duná na notario, deurwaarder, abogado etc.
Riba djabièrnè Kranshi ta será.
Kasamentunan planiá ta sigui segun medidanan kontra di COVID-19. Un máksimo di 10 persona ta pèrmití den sala di Matrimonio.
Pa mas informashon tuma kontakto ku Kranshi via email: info.bsbv@gobiernu.cw
Informashon tokante e otro produktonan tambe por risibí via di email: info.bsbv@gobiernu.cw
Archivo Nashonal ta será te otro aviso. Den kaso ku tin un pregunta por mail esaki na nationaal.archief@gobiernu.cw òf konsultá e wèpsait http://www.nationaalarchief.cw.
Lokèt di Pèrmit
Departamento Bentana di Informashon
No ta posibel pa risibí kliente personalmente na Lokèt di Pèrmit.
- Pa informashon general di produkto i servisio di Gobièrnu hasi uso di e mail: infovergunningenloket@gobiernu.cw
- Pa petishon di VOG (Verklaring Omtrent het Gedrag) manda esaki via di e mail: vog.vl@gobiernu.cw.
- Pa petishon di LOB (Landsverordening Openbaarheid van Bestuur) por manda un mail na lob.vl@gobiernu.cw.
- Pa un sita pa kùr vehíkulo manda mail na sita@gobiernu.cw.
Konforme e servisio limitá di Asuntunan Públiko (Kranshi) den kuadro di e situashon di COVID-19, no ta posibel pa traha sita pa pasport, reibeweis i sédula via sita@gobiernu.cw, tampoko via telefòn òf online (website di Gobièrnu).
Departamento ‘Intake’
Pa entrega di petishon pa pèrmit di labor òf ekonómiko manda un mail na intake.vergunningenloket@gobiernu.cw
Departamento ‘Afgifte’
Pa informashon di státus di un petishon manda un mail na afgifte.vergunningenloket@gobiernu.cw.
