Homber ku ta agredi reporteronan ta wordu detene
Dos reportero fotógrafo a keda agredí durante ku nan tabata ehersé nan trabou di raportá un suseso ku a tuma lugá. Den e kaso aki tabata trata di un aksidente ku a bai keda kubrí fotografikamente. E personanan envolví den e aksidente i nan famianan a pidi e reporteronan pa no saka potrèt ni filma e aksidente. Algun persona ku tabata presente na e sitio di e aksidente a rondoná e fotógrafo maskulino. Seguidamente a agredí e fotógrafo aki. Un fotógrafo femenino tambe tabata presente. El a logra skapa su kamara despues di a risibí menasa ku lo kibra esaki. E fotógrafo femenino a risibí sla na altura di su pechu.
Ambos persona a logra drenta nan vehikulo i bai for di e sitio.
Remarkabel ta, ku tabata tin agente polisial na e sitio i e agente polisial no a akshoná.
E reportero fotógrafonan en kuestion a entregá keho i tin 2 persona ku a keda detené en konekshon ku e kaso aki.