Dia Mundial di Salú 2021

 

Dia Mundial di Salú 2021

Willemstad – Covid-19 a “hit” nos duru….. Un epidemia ku ta impaktando nos salú, kostando bida di ser humano, destruyendo nos ekonomía, afektando nos sosialmente, finansieramente, mentalmente i tambe físikamente. Awe riba Dia Mundial di Salú 7 di aprel 2021, Ministerio di Salú, Medio Ambiente & Naturalesa ta para ketu na tur e víktimanan di Covid-19. Covid- 19 a mustra nos di un forma kruel, ku tanten un di nos no ta seif …. nos niun no ta seif. Ban uza e momento aki pa rekonstruí i reforsá e partinan di nos sistema di salú ku awor aki ta frágil. Awor ta e momento pa nos krea e infrastruktura apropiá pa trabou di prevenshon por tuma lugá aden.

Promoshon di Salú i prevenshon di malesa
Segun nos ta bringando Covid-19 na Kòrsou, tin un kos ku ta resaltá kada bes. Nos por logra hopi ….. basta nos uní, enfoká i aloká fondo. Aplouso pa kada un di e personanan ku ta trahando inkansabel den e lucha kontra Covid-19 na Kòrsou. Meskos ku nos ta uní kontra Covid-19, e enemigu komun aktualmente, ban uni kontra malesanan króniko manera diabétis, malesa di ardu i kurason i kanser. Ku nos por uní kontra 2 di e faktornan di riesgo komun ku e malesanan aki tin, nos ta logra hopi: sobr’e peso i falta di aktividat físiko.

Aktividat físiko ta importante pa tur hende di tur edat i tur abilidat
Aktividat físiko ta kosta relativamente tiki pero tin un impakto hopi grandi i positivo riba nos salú, sin importá edat òf abilidat. Ministerio di Salú, Medio Ambiente i Naturalesa den su afan pa “Building Back Better“ (BBB) i fortifiká nos sistema di salú, ke enkurashá un i tur pa move sikiera 30 minüt tur dia den kurá di bo kas, den bo pòrch, banda di bo kas.
Ban pa nos hasi e programanan pa kombatí sobr’e peso i promové aktividat físiko.

This site uses Akismet to reduce spam. Learn how your comment data is processed.

error: Content is protected !!
%d bloggers like this: