Gi-Ro Settlement Holding N.V. ta kuminsá hasi pago di saldo di kuenta di Girobank

 

Gi-Ro Settlement Holding N.V. ta kuminsá hasi pago di saldo di kuenta di
Girobank

Willemstad/Philipsburg – Manera a ser anunsiá anteriormente, GI-RO Settlement Holding N.V.
(GSH) ta atendiendo pago di e depósitonan riba kuenta di e klientenan di Girobank N.V. (Girobank).
Na kuminsamentu di e siman akí, den kooperashon ku Girobank, a hisa e límite di fondo ku por lanta
na Girobank te na un máksimo di NAf 1.200.000 pa kliente (despues di kita afó kualke pago di debe
ku e kliente lo mester a hasi kaba na Girobank). Esei ta nifiká ku awor e klientenan por disponé di nan
depósitonan riba kuenta te na e suma máksimo menshoná.
Ta pidi e klientenan pa, mas tantu posibel, transferí nan fondonan via online banking i formulario di
transferensia. Por lanta sèn na ATM tambe. Mester tene kuenta ku debí na e orario adaptá i e echo ku
ta trahando ku personal limitá, e transakshonnan por dura mas ku normal.
Girobank su orario adaptá ta di djaluna pa djabièrnè, di 8.00 pa 12.00. Por bishitá e filialnan solamente ku sita. Por traha sita via email na info@gironet.com òf telefónikamente na +599 9 433 9130.
Pa mas informashon, por konsultá e página di Pregunta Frekuente (FAQ) riba wèpsait di Centrale Bank van Curaçao en Sint-Maarten: http://www.centralbank.cw/girobank-nv/frequently-asked-questions òf wèpsait di Girobank N.V.: http://www.girobank.cw.

This site uses Akismet to reduce spam. Learn how your comment data is processed.

error: Content is protected !!
%d bloggers like this: