𝐊𝐚𝐬𝐢 𝟏𝟎.𝟎𝟎𝟎 𝐛𝐚𝐤𝐮𝐧𝐚𝐬𝐡𝐨𝐧 𝐡𝐚𝐬𝐢 𝐧𝐚 𝐌𝐚𝐫𝐢𝐧𝐞𝐛𝐚𝐬𝐢𝐬 𝐏𝐚𝐫𝐞𝐫𝐚

𝐊𝐚𝐬𝐢 𝟏𝟎.𝟎𝟎𝟎 𝐛𝐚𝐤𝐮𝐧𝐚𝐬𝐡𝐨𝐧 𝐡𝐚𝐬𝐢 𝐧𝐚 𝐌𝐚𝐫𝐢𝐧𝐞𝐛𝐚𝐬𝐢𝐬 𝐏𝐚𝐫𝐞𝐫𝐚

E sosten Militar pa bakunashon na Marinebasis Parera ta kla. Ayera tabata e último dia riba kua na e tereno di Defesa, e bakumashonnan a keda hasí. E kaya di bakunashon tabata habrí pa 2,5 siman, i tin un montante final ku a keda alkansá di 9597 bakunashon.

Defensa a konfigurá e kaya di bakunsahon despues di un petishon di parti di e Ministerio di Salubridat, Naturalesa i Medioambiente di Kòrsou. Ku esaki Defensa a suministrá sosten Militar na outoridatnan di Kòrsou. Defensa por solamente suminiistrá sosten si nan risibí un petishon pa esaki. E petishon a kana te ku ayera, i no a pidi pa alargá esaki. Ta p’esei ayera tabata e ultimo dia.

Hopi personal di Defensa a duan sosten durante e akontesimentu aki. Asina ‘Compagnie in de West’ tabata responsabel pa e parti logístiko, nan tabata mustra hendenan e kaminda pa sigui. Personal di Marinebasis a sostené GGD ku e registrashonnan. I e propio personal Médiko di Defensa a pone e miles di bakunashonnan den e periodo ku a transkurí.

Médiko Militar Kapitan-Tentiente Marítimo, Martin van der Aa, Hefe di e Sentro di Salubridat di Defensa na Kòrsou, ta wak bèk ku hopi satisfakshon riba e sosten: ‘’GGD lokal tabatin mester di yudansa pa ehersé e bakunashonnan i den esei nos por a yuda. Esei nos a hasi na momentu ku e Kuido na Kòrsou a keda inundá. Nos por ta orguyoso ku e resultado di kasi 10.000 bakunashon duná.’’

E sosten pa ku outoridatnan Sivil ta un di e tareanan konstitushonal di Defensa.