TARIFA DI GASOLIN, ELEKTRISIDAT I AWA TA SUBI ALGU, DIESEL TA KEDA MESKOS

TARIFA DI GASOLIN, ELEKTRISIDAT I AWA TA SUBI ALGU, DIESEL TA KEDA
MESKOS
WILLEMSTAD – Entrante djamars 4 di mei 2021 e tarifa regulá di gasolin lo subi levemente na
Kòrsou. E tarifa di diesel lo keda meskos. E tarifa di elektrisidat i awa tambe lo subi un tiki
entrante djasabra 1 di mei 2021. Esaki Bureau Telecommunicatie en Post (BT&P) ta partisipá den
su komunikado mensual riba e partikularidat aki. BT&P ta supervisá e desaroyo di preis di
produktonan petrolero i di utilidat.
Kálkulo tarifa produktonan kombustibel
E kálkulo di tarifa pa Mogas 95, Gasoil LSD, LPG 20 i LPG 100 konosé e komponentenan
1. Preis di kompra, 2. Impuesto di importashon LSD, 3. Garantia di suministro di kombustibel
(1a), 4. Garantia di suministro di kombustibel (1b), 5. Márgen pa Curoil, 6. Impuesto di konsumo
(Akseins), 7. Sùrplùs/Défisit (Recovery), 8. Supsidio krusá, 9. O.B. di 6% pa benta por mayor, 10.
Márgen pa agente, i 11. O.B. di 6% pa benta por detal. Pa sierto komponente e tarifa sero ta konta,
sea temporalmente òf nò. E tarifa pa benta por mayor ta inkluí e promé nuebe komponentenan
miéntras ku e tarifa pa benta por detal (na usuario final) ta inkluí tur komponente.
Ta determiná e preis di kompra, kaminda kalkulashon ta kuminsá, mensualmente pa e luna
siguiente a base di e reserva di kombustibel disponibel na final di luna pasá. Pues: e preisnan di
kompra ku ta stipulá pa mei 2021, en prinsipio ta basá riba e reserva di kombustibel disponibel pa
final di mart 2021. Den kaso ku si e informashon tokante di reserva duná dor di Curoil ta
inalkansabel, lo tin ku sali for di e kotisashon internashonal resien. E preisnan di kompra akí ta
wordu revisá dor di notashon di preis internashonal. Dor di e lapso aki den e mekanismo pa
determiná preis, por ta nesesario pa deskontá eventual diferensia entre e preis di kompra regulá i e
montantenan di kompra real, di forma retroaktivo via e elemento ‘Sùrplùs/Défisit’.
E tarifa usuario final pa Mogas 95 ta subi prinsipalmente pa motibu di e subida den preis di
kompra i e komponente défisit/sùrplùs. E tarifa usuario final pa Gasoil LSD ta keda (finalisá)
meskos ku e tarifa usuario final pa e luna di aprel 2021. Esaki ta a konsekuensha di un bahada den
e preis di kompra i un oumentu den e komponente défisit/sùrplùs. Mas aleu e komponente
‘garantia di suministro di krudo 1b’ ta baha levemente pa tur krudo.
Kálkulo tarifa awa i koriente
E kálkulo di e tarifa pa awa i elektrisidat tin dos komponente: e tarifa básiko i e klousula di
kombustibel. E klousula di kombustibel pa elektrisidat ta konsistí di dos elemento: kompra di
koriente i gastunan di kombustibel. E ‘kompra di koriente’ ta basá riba e preis pa e energia ku
tersernan ta suministrá, manera energia di bientu i di solo. ‘Gastunan di kombustibel’ ta enserá
produkshon di energia dor di Aqualectra mes. Tambe e klousula di kombustibel pa awa ta konsistí
di dos elementu, ku ta “kompra” basá riba preis di awa ku ta wòrdu suministrá dor di un terser
partido i e gastunan di elektrisidat pa produkshon di awa dor di Aqualectra mes.
Sin embargo, kada luna e uso di e diferente medio pa produkshon – e asina yamá ‘meskla di
produkshon’ ta varia. P’esei BT&P ta determiná e balor di e klousula di kombustibel
mensualmente basá riba e pronóstiko di Aqualectra, di kiko e meskla di produkshon lo bira, den e
kaso aki pa e luna di mei 2021. Si un luna despues resultá ku e elemento akí tabata muchu haltu òf
muchu abou, ta korigí esaki. Den e kaso akí, ta trata di e luna di mart 2021.
BT&P ta determiná e tarifa básiko pa tantu awa komo elektrisidat un biaha pa aña. E tarifa akí ta
enserá tur otro gastu (fiho) pa e produkshon di awa i elektrisidat i tambe e gastunan pa e
distribushon i e entrega di esakinan, manera gastu di personal, di mantenshon, depresiashon, etc.
E tarifanan pa awa i elekstrisidat ta oumentá prinsipalmente komo konsekuensha di e faktornan di
korekshon haltu ofer di luna di mart 2021 ku ta prosesá den e tarifanan di mei 2021, i pa loke ta
trata de tarifanan di awa tambe ta debí na de produkshon miksto pronostiká pa mei 2021.
Aprobashon i fihamentu
BT&P ta asesorá Konseho di Minister (KdM) enkuanto e tarifanan nobo. Solamente despues ku e
KdM aprobá e propuesta, e Minister pa Desaroyo Ekonómiko, ku a la bes ta enkargá ku asuntunan
di energia, ta fiha e tarifanan. Eseinan ta e tarifanan máksimo ku por usa un luna largu. Ku e
prosedura akí, ku ta konsiderá faktornan internashonal i lokal, e supervisor BT&P ta vigilá e
entrega di kombustibel, awa i elektrisidat na e poblashon lokal di forma independiente i
transparente, pa esaki ta kontínuo i rasonabel.
Por mira e ahustenan eksakto den e tarifanan riba http://www.btnp.org.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: