AMAK TA GRADISÌ NA TUR ESNAN KU A KOPERÁ PA POR LOGRA REAPERTURA DI FARÁNDULA.
7 di yüni 2021
AMAK TA GRADISÌ NA TUR ESNAN KU A KOPERÁ PA POR LOGRA REAPERTURA DI FARÁNDULA.
Union ta e yabi pa solushon.
WILLEMSTAD —
Direktiva di AMAK ta sumamente satisfecho, ku despues di mas ku un aña di lucha, porfin ku despues di e diferente akshonnan di úiltimo simannan, manera e moshon di parlamento, i muy en espesial e intervenshon di parlamentario Gibi Doran, kartanan di protesta, i e otro movimentonan, porfin huma blanku a sali.
No por keda reuni, pone asamblea i sigui diskutÌ, pero a yega e momento pa tuma desishon, i habri e sektor di un forma responsabel, kaminda tur esnan ku ta envolvÌ,inkluso músikonan i artistanan, pa karga nan responsabilidat, pa nos por sigui tene e sifranan di kontagio abou.
Mester evitå pa demasiado aglomerashon, i mantené aplikashon di reglanan di higiena.
E reunion di djasabra 5 di yüni tabat kayente, ku ekspreshonnan fuerte, pero mester duna rekonosimentu na eMinister sr.Steven Croes i konseheronan, pa den un forma trankil, duna espasio na representantenan afrandulero, ku kasi den un forma unánime tabata terse e opinionnan dilanti.
Esaki tabata kisas e motibu, ku awor si a logra.
No tabatin kestion di skor pa logronan personal, pero e mensahenan komún ku tabata bin dilanti di e diferente gruponan di interes, a hasi un bon impreshon, serka esnan ku tin ku tuma e desishon.
Ta bon pa enfatisá e bon trabou ku e tim di krisis a desplegá, pa awor aki e pandemia di Covid na Kòrsou , ta bon kontrolá.
Ounke ta ainda tin sierto restrikshonnan pa esnan ku no ta ful bakuná, tòg ta bin un alivio pa e situashon vigente kua kousa reves finansiero pa músikonan i artistanan i trahadornan den horeca.
Pa mas ku un aña privá di por a ekspresá nan mesa den un òf otro forma di arte o pa ehersé nan labor.
E hecho ku gran parti di e pueblo aki a bakuná, sigur lo a kontribuÌ ku e kontagio di e sifranan di Covid a keda abou.
Pa e motibu aki direktiva di AMAK ta konsehá tur músiko i artista pa mas tantu posibel bai bakuná. Si enbèrdat na momentu ku 85% di nos poblashon ta bakuná, esei por krea e komunidat sano i salú, ban hasi uso pa duna posibilidat pa bakuná sin tin kosto mará na djé, pa nos aktividatnan farandulero por bolbe re-anunda den forma responsabel.
Manera e kondishonnan athunto ta stipulå, tur esnan ku no ta ful bakuná, mester pasa un prueba di “antigen” 24 ora promé ku e evento, pando un suma di ang.35,-
Finalmente Direktiva di AMAK ke felesitå tur nos músikonan i artistanan ku e logro aki, i nan mes momento hopi éiksito pa futuro kompromisonan.
Ban mantené positivismo, hasi bon uso di nos kreatividat durante di e periodo di “Post Covid” aki, i ban spera ku aki 3 siman, durante e reunion di evaluashon nos por konstatå ku e resultadonan di Covid a keda abou, pa di e forma ei Kòrsou por sigui biba den un ambiente saludabel den e normal nobo.
Direktiva di AMAK
Re apertura di sektor farandulero.
Loke a keda palabrå ta lo siguiente:
- Por òrganiså eventonan tantu paden komo pafó.
- Esakinan mester kumpli ku e siguiente kriterianan:
- “Covid free evento” (esaki ta nifika ku tur hende mester ta bakunå of mester laga hasi un “antigeen test” na laboratorio. E tèst mester sali negativo i ta bålido pa 24 ora)
- “Full Vaccinated party” (esaki ta nifikå ku tur hende ta
bakuna so por asisti).
Tur e dos tipo di eventonan aki ta keda na eskoho di e organisadó i den akuèrdo ku doño di e establesimentu.
- Tur evento mester keda òrganiså den un lugå kontrolabel. Esaki ta nifika ku e sitio mester ta serå i ku entrada i salida.
- Mester tin kòntròl apart na entrada pa kontrolå si e bishitante ta bakunå of ku e tin un “antigeen test” negativo di menos ku 24 ora. Te ahinda esaki ta un responsabilidat di organizadó. (Gobièrnu ta evaluando si nan lo por instalå un team pa fasilitå e sektor ku esaki)
- Mester registrå tur persona ku ta asistÌ na e evento. Esaki ta nifikå: Artista i músiko, tur personal k uta laborando riba e dia di e evento, bishitante i invitado nan. E lista aki mester ta disponibel pa gobièrnu i mester keda wardå pa mÌnimo di 1 luna. (Contact Tracing)
- Mester buta “ hand sanitizer” na entrada i tambe instrukshon pa mantené higiena.
- Lo introdusÌ un sistema di APP pa gobièrnu por hasi e kòntròl na entrada di un forma digitaliså. Asina ku e “app” aki ta kla lo informa e sektor.
8.Lo eliminå tur loke ta posibel eventonan Piloto.
E puntonan ariba meshonå a keda akseptå i akordå pa tur dos partido djasabra dia 5 di yüni 2021 den fòrti.
Personanan presente:
Gobièrnu: Minister Steven Croes – Stella van Rijn – Maharo Isenia – Izzy Gerstenbluth – Vinchi Statia
Sektor di etretenimento: Vader volk – Ricardo –Athly Maria –Efrem Mambi – Charles – Kenneth Doran – Rignald Maduro – Feco Gomez – Kora Faneyte – Paco Angela – Carls Manuel – Darrel Rimon – Ibrahim – Quincy Sintiago – Archel callister – Anaiz Visser – Manchi