NOS SELEKSHON NASHONAL TA KLA PA ENFRENTÁ GUATEMALA MAÑAN 8 DI YÜNI DEN SDK, 8’OR DI ANOCHI! E DIA A YEGA!

 

NOS SELEKSHON NASHONAL TA KLA PA ENFRENTÁ GUATEMALA MAÑAN 8 DI YÜNI DEN SDK, 8’OR DI ANOCHI! E DIA A YEGA!

 

Tur kos ta kla pa nos selekshon nashonal enfrentá e selekshon di Guatemala mañan, 8 di yüni, 8’or di anochi den Stadion Ergilio Hato. E partido aki lo bai ta unu sumamente importante kaminda nos mester di un viktoria pa sigui den kontienda pa e partidonan di kualifikashon pa Mundial di FIFA. P’esei nos selekshon nashonal ta konta ku pueblo di Kòrsou su apoyo i sosten pa nos bolbe triunfá. Awe ‘tardi nos selekshon ta tin su delaster training i nos hungadónan ta mentalmente i físikamente bon prepará pa saka nos kara mañan.

 

Sekshon VIP ta kosta fl.175.- miéntras e sekshon general ta kosta fl.40.-. Djamars dia di wega lo tin karchi di 8’or di mainta te 12’or di mèrdia na ofisina di FFK. Hasi lihé buska di bo pasó lo no bende karchi na porta!

Pa asistí na wega e bishitante mester ta kompletamente bakuná (2 bes) i e di 2 bakuna mester ta hasí promé ku 25 di mei 2021. Pa e bishitante ku no ta bakuná, ta pidi pa trese resultado di e tèst di antigen no mas bieu ku 24 ora promé ku e wega. Esaki tambe ta konta pa tur mucha ku asistí na wega ya komo no por bakuná mucha ainda. E bishitante mester presentá na wega ku su sédula i su karchi di bakunashon òf resultado di e tèst di antigen i no lubida riba e tapaboka ku ta obligatorio.

Kòrda ku portanan ta habri for di mitar di 6 di atardi…yega trempan pa evitá e tráfiko!

Un tabla lo bula mañan ora ku Kòrsou topa kara kara ku Guatemala! Nos selekshon ta sigui konta ku e sosten i e apoyo di abo, komo e di 12 hungadó, pa huntu nos logra e viktoria! 

 

Nos ta topa mañan, 8’or di anochi den Stadion Ergilio Hato!

 

7 yüni 2021

This site uses Akismet to reduce spam. Learn how your comment data is processed.

error: Content is protected !!
%d bloggers like this: