Calmes: Partido Trabou Pa Kòrsou TPK a vota kontra Lei di emergensia i a entregá prome lei temporal di Covid

 

Partido Trabou Pa Kòrsou TPK a vota kontra Lei di emergensia i a entregá prome lei temporal di Covid

Partido Trabou Pa Kòrsou a vota kontra prolongashon di lei di emergensia den parlamento. Si bo no tin bo ‘zaken op orde’, bo mester pone nan ‘op orde’. Segun Calmes, bo no por keda uza un lei marsial, esta lei di emergensia pa wanta e derechinan di e suidadanonan di bo pais.

Pesei Trabou pa Kòrsou a entregá e prome Lei di COVID titulá, Lei Temporal di COVID-19 Hustisia i Ordu Publiko. Di e manera aki Kòrsou no mester sigui hasi uzo di e Lei di emergensia ora ta trata di Covid. Gobièrnu i Parlamento mester haña “tikjes op zijn vingers” paso mas ku 1 aña a pasa i niun no a traha riba un lei di COVID. Gobièrnu ku hinter un aparato su tras i parlamentarionan a drumi na lus. 

Awor ku tin parlamentu nobo, pueblo ta spera ku parlamento ta move pareu ku e mundu ta drai. Kòrsou su parlamento mester bira mas agresivo den traha lei nan alkaso.

Pa Trabou pa Kòrsou tin sufisiente lei den entre otro ‘Landsverordening Openbare Orde’ pa atende ku komunidat den kasi tur situashon. Tur hende por kòrda kon promé ku tabata tin e Lei di emergensia a pone “Lock Down”, a pone tur hende keda den kas i asta obligá hende hasi tèst i keda den hotel. Si no tin lei, ta ku kua lei a logra hasi tur esakinan anto? Calmes ta puntra.

Trabou pa Kòrsou a entregá su prome proposishon di lei i asina ku echos ta mustra pueblo ku, Trabou pa Kòrsou den parlamento, ta pueblo ta goberná.

This site uses Akismet to reduce spam. Learn how your comment data is processed.

error: Content is protected !!
%d bloggers like this: